Santo Domingo (Antioquia)

‘S e baile meadhanach agus sgìre-riaghlaidh (Spàinntis municipio) ann an Antioquia, Coloimbia,^[1] a th’ ann an Santo Domingo. Tha e suidhichte aig 1,975m os cionn ìre na mara agus 69km air falbh bho Mhedellín, prìomh-bhaile na roinne. Tha teodhachd meadhanach dhe 18˚ aige.^[2] Chaidh am baile a stèidheachadh ann an 1778.

Santo Domingo Bratach a' bhaile Gearradh-arm no Seula
Mapa a' bhaile
Sealladh air a' bhaile
Suidheachadh
Dùthaich	Coloimbia
Roinn	Antioquia
Àirde	1638m
Co-chomharran	06 28' 15' Tuath 75° 09' 57' Iar
Feartan fiosaigeach
Farsaingeachd	271 km²
Àireamh-shluaigh	11,567 (2005)
Dlùths	42.68/km²
Duilleag oifigeil	Comhairle a’ Bhaile

Sluagh a' bhaile

Tha dìreach 2,199 duine nan tàmh anns a' bhaile fhèin, ach tha 11,567 uile gu lèir a' fuireach ann, a' gabhail a-steach na clachain thall anns na sgìrean dùthchasail am broinn crìochan a' bhaile.^[3] Tha fearann na dùthcha sin ga roinn eadar na bailtean (municipios) agus le sin tha gach clachan agus croit fo stiùireadh baile air choireigin.^[4] Air adhbharan trioblaidean poilitigeach air an dùthaich, tha a' mhòr-chuid neo mòran nan daoine anns gach uile baile a-nis a' fuireach anns nam bailtean fhèin, is na daoine a' fàgail na sgìrean dùthchasail.

Taobh chinnidh, ' s e daoine geala/mestizos a th' ann a' mhòr-chuid dhe na daoine ann an Santo Domingo, ach 1.4% dhe daoine le freumhan ann an Afraga. 'S urrainn dhan 88.5% dhe na daoine ann an Santo Domingo leughadh agus sgrìobhadh. A tuilleadh air sin, chan eil fòn aig an taigh ach aig 19.3% nan dachaigh.^[5]

Fèisean

Thathar a’ cumail am iomadach seòrsa dhe fhèis ann an Santo Domingo. Chithear fèilltean Caitligeach, leis gur e dùthaich le mòr-chuid Chaitligeach a th’ ann fhathast,^[6] fèisean na stàite agus tachartasan ionadail a sheallas cho làidir ‘s tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Clachain

• Botero
• Porce
• Santiago
• Versalles

Daoine Ainmeil

• Tomás Carrasquilla (1858 - 1940) sgrìobhadair