Abismo de Challenger
punto máis profundo medido do fondo do mar da Terra / From Wikipedia, the free encyclopedia
O abismo Challenger[1] (foxa de Challenger[2][3] ou sima de Challenger) é o punto máis profundo medido nos océanos.[4][5] Atópase no grupo das illas Marianas, no extremo sur da foxa das Marianas, no océano Pacífico. A terra máis achegada é a illa Fais, unha das illas exteriores de Yap, 289 km ó suroeste, e Guam, 306 km ao nordés. A foxa foi nomeada na honra do barco da Mariña Real Británica HMS Challenger, que participou no descubrimento da foxa en 1875.