Anarquía de Inglaterra
From Wikipedia, the free encyclopedia
A Anarquía de Inglaterra é o nome co que se coñece ao período histórico que se desenvolveu neste país, durante o reinado do rei Estevo de Blois (1135-1154), que se caracterizou pola inestabilidade do seu reinado e a guerra civil.
O período estivo marcado pola crise na sucesión na coroa de Inglaterra, trala morte do rei Henrique I no ano 1135, na que se disputaron o trono Estevo e a súa curmá a emperatriz Matilde. Aínda que Estevo foi coroado rei, o estado de guerra permanente entre os seguidores de ambos bandos impediu o goberno efectivo do país durante case todo o reinado de Estevo. A situación de crise non se resolveu ata 1153, un ano antes da morte de Estevo, cando polo Tratado de Wallingford, nomeouse herdeiro da coroa ao fillo de Matilde, Henrique, futuro rei Henrique II, que significou o establecemento da dinastía Plantagenet na coroa de Inglaterra.