Antiga Marcha do Reino de Galicia

A Antiga Marcha do Reino de Galicia é unha marcha procesional recoñecida oficialmente como un distintivo tradicional^[1] de Galicia. A súa autoría pérdese na tradición popular. Foi executada correntemente polos gaiteiros das confrarías procesionais ao longo dos séculos. Tamén recibiu a denominación Marcha Solemne do Antigo Reino de Galicia ou Marcha dos Peregrinos, posto que era interpretada habitualmente durante a chegada de xente vida de toda Europa en peregrinación a Compostela.

Cadaleito de Fraga entrando na igrexa de Perbes, ante a Real Banda de Gaitas mentres tocaba a Antiga Marcha do Reino de Galicia.

Antiga Marcha do Reino de Galicia
Instancia de obra de composición musical símbolo nacional
Forma artística canción
Xénero marcha
Localización
Lugar de creación Galicia
[ Wikidata ]

Interpretación da Antiga Marcha do Reino de Galicia na procesión do beato Sebastián de Aparicio na Gudiña.

A Antiga Marcha do Reino é solemne e lenta e con algunhas fases de muiñeira. Interprétase con gaitas en tres tonalidades e percusión.