Atentados de París de novembro de 2015
From Wikipedia, the free encyclopedia
A noite do 13 de novembro de 2015 producíronse unha serie de ataques terroristas coordinados, consistentes en tiroteos en masa, explosións suicidas e toma de reféns en París (Francia) e no suburbio do norte, Saint-Denis. Comezaron ás 21:16 CET,[8] con tres explosións suicidas preto de Stade de France e tiroteos en masa e outra explosión suicida en catro lugares preto do centro de París.[8][9] O ataque máis sanguento produciuse no teatro Bataclan durante un concerto da banda estadounidense Eagles of Death Metal, onde os terroristas tomaron reféns e participaron nun enfrontamento coa policía que rematou ás 00:58 CET do 14 de novembro de 2015. Nos ataques morreron 129 persoas, 89 das cales foron asasinadas no teatro Bataclan.[10][11][12] Ademais, 433 persoas resultaron feridas durante os ataques, incluíndo 80 que se foron descritas como estado grave.[13] Os ataques foron os máis sanguentos ocorridos en Francia dende a segunda guerra mundial,[14][15] e os máis sanguentos na Unión Europea dende os atentados de Madrid de 2004.[16]
| Atentados de París de novembro de 2015 | |
|---|---|
 Localizacións dos ataques:
| |
| Lugar |  París e Saint-Denis, Francia |
| Coordenadas | 48°51′47″N 2°22′14″L |
| Data | 13 - 14 de novembro de 2015 21:16 - 00:58 (CET) |
| Tipo de ataque | Tiroteo, explosión, toma de rehenes, ataque suicida |
| Arma(s) | Fusiles AKM,[1] granadas de mano e chalecos con peróxido de acetona |
| Mortos | |
| Feridos | +350[4][5] |
| Perpetrador(es) | Estado Islámico[3][6][7] |
| Motivo | Xihadismo |
| [ editar datos en Wikidata ] | |
O 14 de novembro, o Estado Islámico de Iraq e Levante (ISIS) reivindicou a responsabilidade dos ataques.[17][18][19] O motivo de ISIS foi tomar represalias pola intervención francesa na guerra civil siria e na guerra civil iraquí.[20][21] Hollande declarou que os ataques foron organizados dende o estranxeiro "por Daesh," un acrónimo árabe para ISIS,[22] "con axuda interna",[23] e describiunos como "un acto de guerra."[24]
En resposta ós ataques, o Presidente de Francia François Hollande anunciou o estado de emerxencia nacional, e ordenou controis temporais nas fronteiras do país nun comunicado televisado ás 23:58 CET.[10] Foi o primeiro estado de emerxencia nacional dende o remate da segunda guerra mundial.[25] Antes do ataque, Francia mantiña a alerta alta dende os atentados de xaneiro de 2015 en Île-de-France que acabaron con dezasete persoas.[26] En resposta ós atentados, o 15 de novembro Francia lanzou un ataque encadrado na Operación Chammal, nome co que se coñece a súa contribución á campaña de bombardeo anti-ISIS, cuxo obxectivo principal foi a cidade de Al-Raqqah.[27]
Francia mantiña a alerta alta por ameaza terrorista dende o tiroteo en Charlie Hebdo a comezos de xaneiro de 2015 e os ataques en xaneiro de 2015 en Île-de-France.[26] Francia tamén incrementara a seguridade por mor da XXI Conferencia sobre Cambio Climático que se celebraría en París dende o 30 de novembro até o 11 de decembro de 2015, e restaurara os controis fronteirizos a semana antes dos ataques.[26]
Producíronse sete ataques coordinados individuais[28] con seis tiroteos e tres explosións.[29][30] As explosións ocorreron preto do Stade de France, mentres que os tiroteos foron arredor de Rue Alibert, Rue de la Fontaine-au-Roi, Rue de Charonne o Teatro Bataclan no Boulevard Voltaire, Avenue de la République e Boulevard Beaumarchais.[31]
Oito terroristas morreron, sete inmoláronse e un foi abatido polas forzas policiais. As autoridades comezaron a busca de cómplices que puideran ter fuxido.[32]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
