Político indio, filósofo, mestre yoga e gurú / From Wikipedia, the free encyclopedia
Sri Aurobindo, nado en Calcuta o 15 de agosto de 1872 e finado en Pondicherry o 5 de decembro de 1950, nado co nome de Aurobindo Ghosh ou Ghose, foi un nacionalista indio, filósofo, mestre espiritual e poeta[1][2]. Uniuse ao movemento nacional indio, e foi, durante un tempo, un dos seus máis afamados e radicais líderes[3], antes de desenvolver a súa propia visión do progreso humano e o desenvolvemento individual.
O tema central da visión de Aurobindo era a evolución da vida humana cara a vida divina; escribiu: "O home é unha criatura de transición. Non é un fin en si mesmo. O paso do home ao superhome será o vindeiro logro da evolución mundial. É inevitable xa que é, ao tempo, a intención do espírito interno e a lóxica do proceso natural".[4] Deste xeito Aurobindo artella un sistema dialéctico da salvación non só para o individuo, senón para a humanidade no seu conxunto.