Boliviano (moeda)

O Boliviano é a moeda de oficial de Bolivia. O 28 de novembro de 1986 (Lei 901) substitúe o peso boliviano ($b), que perdeu o seu valor coa grande crise inflacionista que sufriu o país en 1985 (8767%, é dicir 750.000 pesos por dólar ese ano). Coa Nova Política Económica, o 28 de novembro de 1986, Paz Estensoro asinou a lei para a posta en circulación o 1 de xaneiro de 1987 dunha nova moeda nacional enteiramente convertible, o boliviano, equivalente a un millón de pesos e cun tipo de troco flexible con relación ao dólar e que logo dun período de transición é a única moeda legalmente aceptada a partir do 1 de xaneiro de 1988. O boliviano entre 1863 e 1963 foi a moeda nacional ata a súa substitución polo peso boliviano.

Boliviano (moeda)
Código:	BOB
Ámbito:	Bolivia
Símbolo:	Bs
Fracción:	100 centavos
Moedas:	10, 20, 50 centavos 1, 2, 5 Bs
Billetes:	10, 20, 50, 100, 200 Bs
Emisor:	Banco Central de Bolivia
Taxa de troco: 25-03-2010	1 EUR = 9,3277 Bs 1 USD = 7,02 Bs
Troco actual

O Banco Central de Bolivia, fundado en 1928, é o organismo económico responsable da emisión de moeda. A denominación das moedas é de: 10, 20 e 50 centavos e 1, 2 e 5 Bolivianos. En billetes, as denominacións son de 10, 20, 50, 100 e 200 Bolivianos.

Historia

O primeiro boliviano

Boliviano de 1872

O primeiro boliviano apareceu en 1864. Equivalía a oito soles ou medio escudo do sistema monetario anterior. Inicialmente dividíase en 100 centésimos, mais a fracción pasarase a nomear centavo a partir de 1870. A cantidade de dous bolivianos nomeábase un bolívar. En 1963, o boliviano foi substituído polo peso boliviano (ISO 4217: BOP), a razón de 1.000 antigos bolivianos por peso.

O boliviano actual

Logo de anos de inflación imparábel, en 1987 substituíuse o peso boliviano por un novo boliviano a razón dun millón de pesos por boliviano.

5 bolivianos de 2001

Moedas

Moedas de curso legal na actualidade:

Na actualidade as moedas de 2 e 5 centavos xa non existen.

Denominación	Circula dende	Forma	Metal		Diámetro	Canto	Anverso	Reverso
			Anel	Centro
2 Centavos	1988-1996	Circular	Aceiro inoxidable			Liso	Escudo Nacional	Valor facial
5 Centavos	1988-2004	Circular	Aceiro inoxidable			Liso	Escudo Nacional	Valor facial
10 Centavos	1997	Circular	Cobre		19 mm	Liso	Escudo Nacional	Valor facial
20 Centavos	1988	Circular	Aceiro inoxidable		22 mm	Liso	Escudo Nacional	Valor facial
50 Centavos	1988	Circular	Aceiro inoxidable		24 mm	Liso	Escudo Nacional	Valor facial
1 Boliviano	1988	Circular	Aceiro inoxidable		27 mm	Liso	Escudo Nacional	Valor facial
2 Bolivianos	1991	Undecagonal	Aceiro inoxidable		27 mm	Liso	Escudo Nacional	Valor facial
5 Bolivianos	2001	Circular	Aceiro inoxidable	Latón	23 mm	Estriado	Escudo Nacional	Valor facial

Billetes

Billetes actualmente en circulación:

Billetes circulantes
Imaxe		Valor	Descrición
Anverso	Reverso		Anverso	Reverso
		10 Bolivianos	Cecilio Guzmán de Rojas	Cochabamba e o monumento ás Heroínas da Coronilla
		20 Bolivianos	Pantaleón Dalence	Casa Dourada de Tarija
		50 Bolivianos	Melchor Pérez de Holguín	Torre da Igrexa da Compañía de Xesús
		100 Bolivianos	Gabriel René Moreno	Universidade Maior Real e Pontificia San Francisco Xavier de Chuquisaca
		200 Bolivianos	Franz Tamayo	Ruínas de Tiwanaku

Billetes fóra de circulación:

Billetes fóra de circulación
Imaxe		Valor	Descrición
Anverso	Reverso		Anverso	Reverso
		100 Bolivianos	Gualberto Villarroel	Refineria de Petroleo

Notas

1. Hai moedas de 10 centavos feitas de aceiro inoxidable, xa que anteriormente a 1997 eran acuñadas dese xeito sen chapado de cobre.

2. A moeda de 5 bolivianos substituíu o billete de 5 bolivianos.

3. Existía tamén o billete de 2 bolivianos, o mesmo que foi substituído pola moeda do mesmo valor.

Véxase tamén

Outros artigos

• MVDOL

Ligazóns externas

• Web do Banco Central de Bolivia
• Imaxes de billetes bolivianos
• Imaxes de billetes de Bolivia, incluído o billete de 5 bolivianos

Predecesor: Peso boliviano

Peso Boliviano,Boliviano ou Nuevo Peso Boliviano 1986 - actualidade

Sucesor: —