político español From Wikipedia, the free encyclopedia
Francisco de Borja Sémper Pascual, nado en Irún, Guipúscoa o 10 de xaneiro de 1976, coñecido como Borja Sémper, é un político e escritor español. É o actual voceiro do Partido Popular no Parlamento Vasco e, dende 2009, presidente do Partido Popular de Guipúscoa.[1]
(2013) | |
Biografía | |
---|---|
Nacemento | (es) Francisco de Borja Sémper Pascual 10 de xaneiro de 1976 (48 anos) Irún, España |
Deputado do Parlamento do País Vasco | |
21 de outubro de 2016 – 31 de xaneiro de 2020 Lexislatura: XI lexislatura do Parlamento Vasco Circunscrición electoral: Guipúscoa | |
Deputado do Parlamento do País Vasco | |
20 de novembro de 2012 – 21 de outubro de 2016 Lexislatura: X lexislatura do Parlamento Vasco Circunscrición electoral: Guipúscoa | |
Deputado do Parlamento do País Vasco | |
3 de abril de 2009 – 28 de agosto de 2012 Lexislatura: IX lexislatura do Parlamento Vasco Circunscrición electoral: Guipúscoa | |
Deputado do Parlamento do País Vasco | |
16 de maio de 2005 – 6 de xaneiro de 2009 Lexislatura: VIII lexislatura do Parlamento Vasco Circunscrición electoral: Guipúscoa | |
Deputado do Parlamento do País Vasco | |
20 de outubro de 2003 – 22 de febreiro de 2005 ← María Eugenia García Rico (en) Lexislatura: VII lexislatura do Parlamento Vasco Circunscrición electoral: Guipúscoa | |
Datos persoais | |
País de nacionalidade | España |
Educación | Deusto Business School (en) (2016–2017) IESE Business Schoo (2010–2011) Universidade do País Vasco - licenciatura en Dereito |
Actividade | |
Ocupación | político , escritor , director |
Empregador | Ernst & Young (pt) (2020–2023) |
Partido político | Partido Popular |
Membro de | |
Lingua | Lingua castelá |
Familia | |
Parella | Bárbara Goenaga (2014–) |
Parentes | Juan Luis Goenaga (pt) (sogro) |
Licenciado en Dereito pola Universidade do País Vasco e experto en Xestión Pública polo IESE, Borja Sémper ingresou nas Novas Xeracións de Guipúscoa en 1993, ós 17 anos, onde formou parte dun equipo que, tras o secuestro e asasinato dun dos seus compañeiros en 1997 a mans da banda terrorista ETA, sería denominado a xeración Miguel Ángel Branco e cuxos máximos representantes (Antonio Basagoiti e Iñaki Oyarzábal, entre outros) dirixen hoxe o Partido Popular do País Vasco.[2][3]
Dous anos despois de afiliarse a Novas Xeracións de Guipúscoa, nas eleccións municipais de 1995, incorporouse no Concello de Irún como concelleiro do PP.[4]
Catro anos máis tarde, en 1999, ó ver incrementada a súa popularidade no concello, presentouse como candidato á alcaldía. A composición política do concello por mor deses comicios deu lugar a un acordo de goberno entre socialistas e populares. En consecuencia, Borja Sémper foi nomeado primeiro tenente de alcalde asumindo o cargo de concelleiro delegado de urbanismo.[5]
Nas eleccións municipais de 2003 volveu ser candidato a alcalde. Esta vez, os socialistas iniciaron a lexislatura gobernando en solitario e priorizando pechar acordos co apoio do PNV, pero no verán de 2005, o PSE retomou o pacto co PP e Borja Sémper volveu á súa función como primeiro tenente de alcalde e concelleiro delegado de urbanismo.[6]
En 2007 repetiu candidatura. Pero a metade de lexislatura abandonou a súa acta de concelleira ao ser elixido presidente do seu partido en Guipúscoa. A súa nova responsabilidade e a función de parlamentario vasco que levaba tempo desempeñando foi o que desencadeou a súa renuncia. O 27 de xaneiro de 2010, tras máis de 15 anos no cargo, presentou a súa renuncia como concelleira no Concello irunés.[7]
Borja Sémper tamén é parlamentario vasco e presentouse nas últimas dúas convocatorias de eleccións polo territorio histórico de Guipúscoa, no 2005 e no 2009.[8] Foi o director da campaña electoral guipuscoana para as eleccións ao Parlamento Vasco en 2009, e protagonizou xunto con Arantza Quiroga e Ramón Gómez Ugalde unha aposta pola renovación na maneira de comunicarse cos cidadáns, participando por exemplo nun baño na praia da Concha de San Sebastián en pleno inverno e co slogan «Mollámonos por ti».[9]
No seu labor parlamentario destacou o seu incondicional apoio á infraestrutura do Tren de Alta velocidade no País Vasco.[10] É o presidente da Comisión de Industria, Innovación, Comercio e Turismo, así como vogal na de Transporte.
Por outra banda, destacou polo seu papel no descubrimento do caso Balenciaga, demostrando coa súa investigación que varios membros do PNV recibiron de maneira fraudulenta pezas do modisto Cristóbal Balenciaga.[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.