Comunidade Andina

A Comunidade Andina (en castelán: Comunidad Andina) ou Comunidade Andina de Nacións (CAN), é unha área de libre comercio que ten por obxectivo crear unha unión aduaneira que abrangue os países suramericanos de Bolivia, Colombia, Ecuador, e o Perú. O bloque comercial foi chamado Pacto Andino até 1996, e creouse logo da sinatura do Acordo de Cartaxena en 1969. A súa sede central atópase en Lima, no Perú.

Comunidade Andina

Bandeira
Localización
12°02′00″S 77°01′00″O
Poboación
Poboación	109.000.000 (2018)
Lingua oficial	lingua castelá
Datos históricos
Fundador	Bolivia, Chile, Colombia, Ecuador e Perú
Creación	26 de maio de 1969:  (Acordo de Cartagena (pt) )
Organización política
Órgano lexislativo	Parlamento Andino (pt) , (Escano: 25)
Máxima autoridade xudicial	Tribunal de Justiça da Comunidade Andina (pt)
Moeda	Boliviano
Páxina web	comunidadandina.org

Membros

Estados membros.

O Pacto Andino orixinal foi fundado en 1969 por Bolivia, Chile, Colombia, Ecuador e o Perú. En 1973, o pacto sumou un sexto membro, Venezuela. Porén, en 1976 o número de membros reduciuse a cinco de novo cando Chile se retirou. Venezuela anunciou a súa retirada en 2006, reducindo a Comunidade Andina a catro estados membros.

Debido aos acordos de cooperación con Mercosur, a Comunidade Andina gañou catro novos membros asociados: a Arxentina, o Brasil, Paraguai e o Uruguai. Estes catro membros de Mercosur foron convertidos en membros asociados polo Consello Andino de Asuntos Exteriores reunido nunha sesión ampliada coa Comisión (da Comunidade Andina) o 7 de xullo de 2005. Este movemento corresponde ás accións do Mercosur que concedeu a adhesión asociada a todas as nacións da Comunidade Andina en virtude dos Acordos de Complementariedade Económica (Tratados de Libre Comercio) asinados entre a CAN e os membros individuais do Mercosur.^[1]

• Membros actuais:^[2]
  •  Bolivia (1969)
  •  Colombia (1969)
  •  Perú (1969)
  •  Ecuador (1969)
• Membros asociados:^[2][3]
  •  Arxentina (2005)
  •  Brasil (2005)
  •  Paraguai (2005)
  •  Uruguai (2005)
  •  Chile (2006)
• Países observadores:^[2][4]
  •  España
  •  Marrocos
• Membros no pasado:
  •  Venezuela (1973–2006), uniuse a Mercosur
  •  Chile (1969–1976, como observador 1976–2006, membro asociado dende 2006)

Notas

1. "CAN – Mercosur". Arquivado dende o orixinal o 16 de xuño de 2002.
2. "SOMOS COMUNIDAD ANDINA". Andean Community of Nations. Arquivado dende o orixinal o 24 de xullo de 2013. Consultado o 2014-07-12.
3. No marco dos acordos de cooperación de UNASUR e/ou Mercosur
4. "Le Maroc obtient le statut de membre observateur au sein de la Communauté andine des Nations". MAP Express (en francés). Consultado o 2020-07-09.

Véxase tamén

Ligazóns externas

• comunidadandina.org Arquivado 11 de xaneiro de 2013 en Wayback Machine. (en castelán)