Confederación Xermánica

Confederación Xermánica
	Deutscher Bund (de)
Localización
	50°06′29″N 8°40′30″L
Capital	Frankfurt
Contén a división administrativa	Anhalt-Bernburg (pt) (1815–1866); Anhalt-Dessau (pt) (1815–1866); Anhalt-Köthen (pt) (1815–1866) ../... 45+
Poboación
Poboación	29.200.000 (1815) (46,34 hab./km²)
Lingua oficial	lingua alemá
Xeografía
Superficie	630.100 km²
Datos históricos
Precedido por	Império Alemão (1848–1849) (pt) e Confederación do Rin
Creación	10 de xuño de 1815: causado por German Confederation Constitution
Disolución	24 de agosto de 1866
Sucedido por	Confederación Alemá do Norte, Reino de Baviera, Reino de Württemberg, Grão-ducado de Baden (pt) , Gran Ducado de Hesse, Luxemburgo, Liechtenstein e Império Alemão (1848–1849) (pt)
Organización política
Forma de goberno	Confederación ; monarquía dual
Moeda	Reichstaler

A Confederación Xermánica ou Confederación Alemá (en alemán, Deutscher Bund) foi unha unión estabelecida en 1815 polo Congreso de Viena que agrupou 39 estados alemáns nunha confederación de estados soberanos baixo a presidencia da Casa de Austria. Sucedeu a Confederación do Rin, creada en 1806 por Napoleón I en substitución do Sacro Imperio Romano Xermánico.

Datos rápidos Localización, Capital ...

Pechar

Creada para manter a seguridade dos múltiples pequenos estados do desaparecido Sacro Imperio Romano Xermánico, a Confederación non supuña ningunha concesión ao crecente nacionalismo alemán, por non ser este do agrado de Viena. A Dieta, que non era un parlamento de representantes elixidos polo pobo senón un congreso de legados con sede en Frankfurt, foi a súa única entidade central, aínda que en 1834 estabeleceuse a Unión Aduaneira de Alemaña (Zollverein) e, con iso, creouse un mercado interno unitario para a meirande parte de estados.

A Revolución de 1848 tivo gran resonancia en Alemaña. En marzo producíronse en todos os Estados da Confederación alzamentos populares que obrigaron aos príncipes a facer concesións, que levaron ao rexurdimento dos primeiros parlamentos verdadeiramente representativos. A Confederación só funcionaba cando coincidían as posicións de Austria e Prusia, cuxa confrontación finalmente conduciu á Guerra das Sete Semanas. Tras o triunfo prusiano, a Confederación Xermánica quedou disolta e foi substituída no ano 1867 pola Federación Alemá do Norte, dominada por Prusia, que serviu de preámbulo ao gran Imperio Alemán.


Imperio de Austria Reino de Baviera Reino de Hannóver Reino de Prusia Reino de Saxonia Reino de Württemberg Principado de Hesse-Kassel Gran Ducado de Baden Gran Ducado de Hesse-Darmstadt Gran Ducado de Luxemburgo Gran Ducado de Mecklembourg-Schwerin Gran Ducado de Mecklembourg-Strelitz Gran Ducado de Saxonia-Weimar-Eisenach Ducado de Anhalt-Bernburg Ducado de Anhalt-Köthen Ducado de Anhalt-Dessau	Ducado de Brunswick Ducado de Holstein Ducado de Limburgo (a partir de 1839) Ducado de Nassau Ducado de Oldenburg (Gran Ducado a partir de 1829) Ducado de Saxonia-Altenburg Ducado de Saxonia-Coburg-Gotha Ducado de Saxonia-Hildburghausen Ducado de Saxonia-Meiningen Cidade de Bremen Cidade de Frankfurt am Main Cidade de Hamburgo Cidade de Lübeck Once principados (entre eles, o Principado de Liechtenstein, o Principado de Hohenzollern-Sigmaringen, o Principado de Lippe e o Principado de Waldeck).

Os actuais estados cuxo territorio formou parte da Confederación Xermánica (1815 - 1866), xa sexa enteiramente ou unha parte deles son:

Alemaña (tódolos estados)
Austria (tódolos estados excepto Burgenland)
Luxemburgo (todo o territorio)
Liechtenstein (todo o territorio)
Países Baixos (a provincia de Limburgo uniuse á Confederación despois de 1839)
Chequia (todo o territorio)
Eslovenia (excepto Prekmurje e os concellos de Koper, Izola e Piran)
Polonia (as rexións de Pomerania Occidental, Lebus, Baixa Silesia, Opole e parte de Silesia).
Bélxica (A Comunidade Xermanófona e algún outro territorio do leste da provincia de Liexa); a provincia máis grande de Luxemburgo abandonou a confederación na súa adhesión a Bélxica en 1839.
Italia (a rexión autónoma de Trentino-Tirol do Sur, a Provincia de Trieste, a maioría da Provincia de Gorizia excepto o enclave de Monfalcone, e as municipalidades de Tarvisio, Malborghetto Valbruna, Pontebba, Aquileia, Fiumicello e Cervignano na Provincia de Udine)
Croacia (o territorio de Pazin no Condado de Istria e a franxa costeira entre Opatija e Plomin na rexión de Liburnia)