A Consellería de Presidencia, Administracións Públicas e Xustiza era unha consellería da Xunta de Galicia que tiña como principais funcións a xestión das relacións da Xunta coas administracións locais e de xustiza. Tamén se ocupaba da xestión interna e da administración autonómica, así como da policía autonómica de Galicia. O seu último conselleiro foi Alfonso Rueda.
| Consellería de Presidencia, Administracións Públicas e Xustiza | |
|---|---|
 | |
| Tipo | ministério |
| Data de fundación | 1983 |
| Sede | Santiago de Compostela |
| País | Galicia |
| Na rede | |
| http://cpapx.xunta.es/portal/ | |
| [ editar datos en Wikidata ] | |
Historia
A consellería de presidencia tivo distintas denominacións e funcións ao longo da historia. Ademais, durante algúns períodos levou tamén aparellado o cargo de vicepresidencia da Xunta.
En 1983 (por uns meses) e despois dende 1983 ata 1990 absorbe ademais as competencias da Consellería de Xustiza e Interior. Durante a maior parte da súa existencia, agás entre 1990 e 1993, e 2005 e 2009 a consellería integra tamén a área de Relacións Institucionais (véxase tamén Consellería de Relacións Institucionais). A consellería desapareceu durante a reorganización de 2018.[1] As competencias en xustiza e presidencia pasaron á Vicepresidencia primeira e Consellería de Presidencia, Xustiza e Turismo e a competencia en administracións públicas pasou á Consellería de Facenda e Administración Pública.
Conselleiros
- Xosé Luís Barreiro Rivas (1982-1983). Primeiro como conselleiro de Presidencia e en 1983 como conselleiro de Presidencia e Xustiza. Ese mesmo ano volve ser unicamente conselleiro de Presidencia, pero co engadido de ocupar a vicepresidencia de asuntos políticos.
- Manuel Anxo Villanueva Cendón (1986-1987)
- Pablo González Mariñas (1987-1989)
- Dositeo Rodríguez (1989-1999). Conselleiro de Presidencia e Administración Pública.
- Jaime Pita (1999-2005). Conselleiro de Presidencia e Administración Pública, e a partir de 2001, conselleiro de Presidencia, Relacións Institucionais e Administración Pública.
- José Luis Méndez Romeu (2005-2009). Consellería de Presidencia, Administracións Públicas e Xustiza.
- Alfonso Rueda (2009-2018).
Estrutura interna
Secretarías e direccións xerais
Ademais da necesaria Secretaría Xeral da consellería, a consellería de Presidencia conta coas seguintes direccións xerais:
- Dirección xeral de Xustiza: Juan José Martín Álvarez
- Dirección xeral de Administración local: Norberto Uzal
- Dirección xeral de Relacións institucionais e parlamentarias: Roberto Castro
- Dirección xeral de Emerxencias e interior: Santiago Villanueva Álvarez
- Dirección xeral de Relacións exteriores e coa Unión Europea: Xesús Gamallo
- Dirección xeral de Avaliación e reforma administrativa: Jaime Bouzada
Entes adscritos á consellería
- Escola Galega de Administración Pública (EGAP): Pablo Figueroa Dorrego, director.
- Academia Galega de Seguridade Pública
- Axencia Galega de Emerxencias
- Policía autonómica de Galicia
- Instituto de Medicina Legal de Galicia (IMELGA)
Notas
- "DECRETO 88/2018, do 26 de setembro, polo que se establece a estrutura orgánica da Xunta de Galicia" (PDF). Diario Oficial de Galicia. 26 de setembro de 2018.
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
