Escalidóforos
From Wikipedia, the free encyclopedia
O dos escalidóforos (Scalidophora) é un clado de invertebrados pseudocelomados proposto para agrupar tres filos: quinorrincos, priapúlidos e loricíferos.[1] Esta agrupación foi recoñecida como monofilética en varios estudos (Halanych 2004).[2]
Escalidóforos Scalidophora | |||||||||||
---|---|---|---|---|---|---|---|---|---|---|---|
Pliciloricus enigmatus, un loricífero. | |||||||||||
Clasificación científica | |||||||||||
| |||||||||||
Filos | |||||||||||
|
Os membros deste grupo comparten algunhas características, entre as que destacan a presenza de aneis introvertidos, flósculos, dous aneis introvertidos retráctiles e crecemento mediante a muda da cutícula, ou écdise.[3]
Os grupos máis próximos filoxeneticamente serían os panartrópodos, os nematodos e os nematomorfos. Por esta razón, todos os grupos anteriormente mencionados foron reunidos no clado dos ecdisozoos, descrito en 1997 por Anne Marie A. Aguinaldo e colaboradores, baseándose principalmente en árbores filoxenéticas construídas utilizando 18 xenes de ARN ribosómico.[4]
Pénsase que dúas especies do xénero Markuelia, que se coñece a partir de embrións fosilizados do cámbrico, parcen estar entre os escalidóforos máis primitivos.
Antigamente este grupo considerábase un único filo, o dos cefalorrincos,[5] dividido en tres clases.