Estación de Villena
From Wikipedia, the free encyclopedia
From Wikipedia, the free encyclopedia
A estación de Villena é unha estación de ferrocarril española propiedade de Adif situada na cidade homónima na provincia de Alacant, Comunidade Valenciana. É unha estación pasante que pertence á liña Madrid-Alacant e está situada entre o límite oeste do casco urbano e o Polígono Industrial Los Rubiales, xunto ao Paseo de Ruperto Chapí. A estación ten parada de trens de Grandes Liñas e de Media distancia.
Está en estudo a extensión da rede de Proximidades Murcia/Alacant até Villena.[1][2][3]
A estación atópase no punto quilométrico 396,1 da liña férrea de ancho ibérico Madrid-Alacant a 503,85 metros de altitude.[4]
Villena tamén formaba parte dunha liña férrea de ancho métrico que unía Villena con Cieza vía Alcoi e Jumilla e que deixou de operar en 1969.
A estación de Villena inaugurouse en 1858, ao abrirse a liña da MZA entre Alacant e Madrid.[5] Na viaxe inaugural viaxou a raíña Sabela II, que realizou unha pequena parada na cidade, para o que se habilitou o Paseo da Raíña, actual Paseo de Ruperto Chapí.[6] O edificio, igual que os de todo o tramo Almansa-Alacant, foi proxectado por Agustín Elcoro Berecíbar,[7] correspondendo a Villena un dos dous edificios de 2ª clase.[8] Este conservouse case sen modificar até a actualidade, tendo sufrido só reformas menores. Xusto enfronte instalouse en 1884 a estación do ferrocarril VAY, que funcionou até 1969.[9] En 1941, a nacionalización de ferrocarril en España supuxo a integración de MZA na recente creada Renfe. Desde o 31 de decembro de 2004 Renfe Operadora explota a liña mentres que Adif é a titular das instalacións ferroviarias.
Na actualidade planease destinar esta estación só para o uso de proximidades,[1] mentres que os trens de longa distancia terían parada na nova estación de AVE que se está construíndo nas proximidades da Colonia de Santa Eulalia.[10][11]
Os trens de Longa Distancia que se deteñen na estación enlazan Alacant con Madrid, Galicia e a cornixa cantábrica. Por outra parte Murcia queda conectada con Barcelona grazas a varios trens Talgo que incluso nalgúns casos alcanzan Francia.
Os amplos servizos de Media distancia de Renfe teñen como principais destinos as cidades de Cidade Real, Albacete, Alacant, Valencia, Cartaxena e Murcia.
Tren | Orixe/Destino | Destino/Orixe | Frecuencia |
---|---|---|---|
Alvia | Madrid-Atocha | Alacant | 5 trens diarios en cada sentido. |
Alvia | Santander / Xixón | Alacant | Segundo destino.3 |
Talgo | A Coruña / Vigo | Alacant | Segundo destino.1 |
Talgo | Barcelona-Sants | Lorca | 1 tren diario en casa sentido. |
Talgo | Barcelona-Sants | Murcia del Carmen | 1 tren diario en casa sentido. |
Talgo Mare Nostrum | Montpellier | Cartagena / Lorca | Segundo destino.2 |
1. Circula o domingo desde Alacant e o sábado desde Galicia. 2. Tren diario en ambos sentido con saída de Lorca cando se dirixe a Francia e con chegada a Cartagena cando realiza o percorrido contrario. 3. Un Alvia a Xixón e outro a Santander diario en ambos sentidos. As ramas únense/sepáranse en Palencia. |
Liña MD | Trens | Orixe/Destino | Destino/Orixe | |
---|---|---|---|---|
44 | MD Rexional Rexional Exprés |
Valencia | Terminal Murcia del Carmen Cartagena Alacant | |
45 | MD | Cidade Real | Alacant | |
46 | Rexional | Albacete | Valencia | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.