![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cf/Seal_of_the_Generalitat_of_Catalonia.svg/langgl-640px-Seal_of_the_Generalitat_of_Catalonia.svg.png&w=640&q=50)
Estatuto de Autonomía de Cataluña de 1979
From Wikipedia, the free encyclopedia
O Estatuto de Autonomía de Cataluña (en catalán: Estatut d'Autonomia de Catalunya), tamén coñecido como Estatut de Sau, foi unha lei orgánica promulgada o 18 de decembro de 1979 que outorgaba a Cataluña un réxime de autonomía. Converteuse na norma institucional básica de Cataluña de acordo co establecido no título oitavo da Constitución española de 1978. Definía os dereitos e deberes da cidadanía de Cataluña, as institucións políticas da nacionalidade catalá, as súas competencias e relacións co Estado e o financiamento da Generalitat de Cataluña. Foi publicado no Diari Oficial de la Generalitat de Catalunya o 31 de decembro de 1979.
![Thumb image](http://upload.wikimedia.org/wikipedia/commons/thumb/c/cf/Seal_of_the_Generalitat_of_Catalonia.svg/640px-Seal_of_the_Generalitat_of_Catalonia.svg.png)
As institucións políticas definidas no Estatut integran a Generalitat de Cataluña.
O 18 de xuño de 2006 a cidadanía catalá aprobou en referendo, despois dun largo e polémico proceso de redacción, o novo Estatuto de Autonomía de Cataluña de 2006 que actualmente, substitúe ao Estatut de 1979 como norma institucional básica de Cataluña.