Exposición Internacional

Unha exposición internacional é un evento acreditado pola Oficina Internacional de Exposicións (BIE), de acordo coas definicións, obxectivos e regras que establece a Convención relativa ás Exposicións Internacionais.

Expo 2008 Zaragoza, Zona de participantes internacionais oficiais.

Definición e obxectivos

De acordo co artigo 1º da Convención relativa ás Exposicións Internacionais:

1. Unha exposición é unha manifestación que, independentemente da súa denominación, ten como fin principal o ensino ao público, facendo o inventario dos medios de que dispón o home para satisfacer as necesidades dunha civilización e facendo destacar, nun ou máis campos da actividade humana, os adiantos realizados ou as perspectivas futuras.
2. A exposición é internacional cando participen nela máis dun país.
3. Os participantes dunha exposición internacional son, por unha banda, os expositores dos países oficialmente representados agrupados en seccións nacionais, pola outra, os Organismos Internacionais ou ben os expositores nacionais de países non representados oficialmente e, para rematar, os autorizados segundo os regulamentos da exposición, para levar a cabo outra actividade, especialmente os concesionarios.^[1]

Exposicións en España

• Exposición Internacional de Barcelona de 1929
• Exposición Internacional de Zaragoza de 2008

Notas

1. "Convención relativa ás Exposicións Internacionais" (PDF). Secretaría de Relaciones Exteriores (México). Consultado o 3 de maio de 2006.^{[Ligazón morta]}

Véxase tamén

• Exposición Universal