Fernsehturm de Berlín
From Wikipedia, the free encyclopedia
A Fernsehturm (en alemán, Torre de televisión) é unha torre de televisión situada no centro de Berlín, capital de Alemaña. É un punto de referencia moi coñecido, próximo á Alexanderplatz. A torre foi construída en 1969 pola extinta República Democrática Alemá (RDA) e a súa imaxe foi usada desde entón polo goberno da RDA como símbolo do Berlín Oriental.[1] Dende ela pódense ver doadamente todos os distritos do centro de Berlín e continúa a ser un símbolo da cidade.
Fernsehturm de Berlín | |
---|---|
Fernsehturm, Berlín | |
Coordenadas | 52°31′15″N 13°24′34″L |
[ editar datos en Wikidata ] |
A altura orixinal dq Fernsehturm era de 365 metros, pero pasou a ser de 368 logo da instalación dunha nova antena nos anos 1990. É actualmente o segundo edificio máis alto de Europa, só superado pola Torre Ostankino de Moscova, e a décimo sétima torre máis alta do mundo. Na cúspide da torre hai unha grande esfera na que se atopan un miradoiro e un restaurante; o miradoiro está a unha altura aproximada de 204 metros sobre o chan. O restaurante, que vira 360 graos cada media hora, atópase uns metros por riba do miradoiro. Dentro do corpo principal da torre hai dous ascensores que levan aos visitantes á esfera en 40 segundos.