Iván Konstantinovich Aivazovsky, en armenio Հովհաննես Այվազովսկի, en ruso Иван Константинович Айвазовский, nado en Teodosia o 29 de xullo de 1817 e finado no mesmo lugar o 5 de maio de 1900, foi un pintor ruso de orixe armenia famoso polas súas mariñas.
Naceu na cidade de Feodosiya, Crimea, viviu a súa infancia na pobreza, pero grazas ao seu talento artístico conseguiu entrar no instituto e posteriormente pasar pola Academia de artes de San Petersburgo.
Comezou pintando paisaxes e fixo unha serie de pinturas de cidades costeiras crimeanas antes de facer unha viaxe por toda Europa. No final da súa vida, pintou escenas navais comisionado pola Mariña rusa.
Traxectoria
En 1833 ingresou na Academia Imperial das Artes de San Petersburgo, recibindo dous anos despois a medalla de prata nun certame artístico pola súa obra Estudo aéreo sobre o mar. Esta pintura foi elixida para decorar o Palacio de Inverno. En 1841 comezou unha viaxe de cinco anos que o levaría por distintos países, entre eles Italia, Portugal, España, Francia, Reino Unido e Holanda. En 1842 coñeceu ao célebre paisaxista Turner. Ao seu regreso a Rusia, en 1844, recibiu o nomeamento como académico da Academia Imperial das Artes de San Petersburgo. Dous anos despois foi nomeado profesor na mesma institución.
En 1848 celebrou a súa primeira exposición en Moscova. En 1853 participou nas escavacións arqueolóxicas realizadas en Teodosia, sacando á luz numerosos obxectos de arte que pasaron a formar parte das coleccións do Ermitage.
En 1857, tras unha brillante exposición das súas obras celebrada en París, Aivazovski foi condecorado coa Lexión de Honra. En 1869 visitou Exipto.
Galería de obras
O Mercury atacado por dous barcos turcos, 1892
Tormenta, 1854
O Caúcaso
Batalla de Chesma
Vista de Tallinn
Porto de Odessa no Mar Negro
Véxase tamén
 |
A Galipedia ten un portal sobre: Rusia |
Ligazóns externas
- Iván Aivazovsky en www.artvibrations.com (en inglés)
- Iván Aivazovski. Fotos e Biografía (en ruso)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
