José Millán Astray

José Millán Astray, nado en Santiago de Compostela cara a 1850 e finado en Madrid o 7 de novembro de 1923, foi un avogado, político e xornalista galego.

José Millán Astray

Biografía
Nacemento	1850 Santiago de Compostela, España
Morte	7 de novembro de 1923 (72/73 anos) Madrid, España
Lugar de sepultura	Cemiterio de La Almudena
Datos persoais
País de nacionalidade	España
Educación	Universidade de Santiago de Compostela
Actividade
Ocupación	avogado , escritor , xornalista , funcionario
Lingua	Lingua castelá
Familia
Fillos	José Millán-Astray, Pilar Millán-Astray

Este artigo é sobre o avogado, político e músico. Para o seu fillo militar, véxase José Millán-Astray

Traxectoria

Estudou Dereito na Universidade de Santiago de Compostela. Participou na revolución de 1868 e ingresou en 1870 como funcionario no Ministerio de Graza e Xustiza en Madrid. En 1872 marchou a Ourense para traballar na Delegación de Facenda. Ao ano seguinte foi destinado a Pontevedra no Ministerio de Gobernación. En 1876 foi nomeado catedrático do Instituto da Coruña e tamén secretario da Xunta de Obras do Porto. Colaborou en Diario de Avisos, en 1880 fundou e dirixiu o semanario El Domingo e en 1882 colaborou en La Semana e entrou a formar parte da redacción da La Correspondencia de España. En 1894 foi nomeado Secretario xeral do Goberno da Illa de Cuba. Foi nomeado director do Penal de Santoña en 1897 e posteriormente do Cárcere Módelo de Madrid. Colaborou en El Día.

Obras

É autor de varias zarzuelas: Una calavera con suerte, con música de Martín Fayes, En la playa, con música de Enrique Lens, Bailén e Rosalía; e da comedia Luchas eternas. En 1879 obtivo un accésit nos xogos florais de Ferrol con La protesta de Pedro Padrón. Posteriormente publicou Memorias de Millán Astray, no que dá unha visión da vida na España da Restauración cun catálogo dos tipos criminais e pequenos delincuentes da época.

Vida persoal

Casou con Pilar Terreros Segade e foi pai do militar José Millán-Astray e da escritora Pilar Millán Astray. Tivo outras dúas fillas, María de la Peregrina e Rosa. Foi soterrado no cemiterio de La Almudena.

Véxase tamén

Wikimedia Commons ten máis contidos multimedia na categoría:  José Millán Astray

Bibliografía

• Couceiro Freijomil, Antonio (1951-53). Diccionario Bio-bibliográfico de Escritores (en castelán) II. Bibliófilos Gallegos. p. 422-423.
• Togores, Luis E. (2003). La Esfera de los Libros, ed. Millán Astray, legionario. Madrid. ISBN 84-9734-103-1.