Xornalista

Un xornalista^[1] ou periodista^[2] é aquela persoa que se dedica ó xornalismo en calquera das súas formas, xa sexa na prensa escrita, radio, televisión ou medios dixitais. O xornalista dedícase basicamente á busca de información e á súa posterior difusión.

Xornalistas recollendo unhas declaracións.

Existen varios principios que guían o labor do periodista, o principal dos cales é o respecto pola verdade e o rigor na busca da información. En xeral, considérase bo xornalista ó que consegue información relevante, breve e exacta no menor tempo posible.

Segundo as palabras do académico alemán Wolfgang Donsbach, citado por Kunczik para comprender o significado deste concepto:

Un xornalista é alguén que participa na formación do contido do produto do medio masivo, sexa na colección, avaliación, detección, procesamento ou diseminación das novas, comentarios ou entretemento.