Lina Sandell

Lina Sandell, nada co nome de Karolina Wilhelmina Berg en Fröderyd o 3 de outubro de 1832 e finada en Estocolmo o 27 de xullo de 1903, foi unha escritora sueca, coñecida como autora de himnos relixiosos.

Lina Sandell

Biografía
Nacemento	(sv) Karolina Wilhelmina Sandell 3 de outubro de 1832 Fröderyd, Suecia (en)
Morte	27 de xullo de 1903 (70 anos) Klara Church Parish, Suecia (en)
Causa da morte	Complications of diabetes (en)
Lugar de sepultura	Solna cemetery (en) , SO 13 659
Datos persoais
País de nacionalidade	Suecia
Relixión	Luteranismo
Actividade
Ocupación	escritora , teólogo , tradutora , poetisa , escritora de himnos , editora colaboradora
Pseudónimo literario	L.S.
Lingua	Lingua sueca
Obra
Obras destacables (1865) Blott en dag
Familia
Cónxuxe	C. O. Berg (1867–1903)
Pais	Jonas Sandell (en)   e Fredrica Engstrand (en)
Irmáns	Amalia Mathilda Sandell (en)

Traxectoria

O seu pai era pastor luterano nunha pequena comunidade rural e ela naceu na reitoría da igrexa. En 1858, cando ela tiña vinte e seis anos acompoñou a seu pai nunha viaxe en barco polo lago Vättern ata Gotemburgo pero o seu pai caeu ó mar e afundiu diante dela. Esta traxedia marcou a súa vida e inspirouna para escribir himnos.

Oskar Ahnfelt compuxo a música de todos os seus himnos e deunos a coñecer por toda Escandinavia. Lina casou en 1867 co comerciante e deputado Oscar Berg e pasou a apelidarse legalmente Sandell-Berg, aínda que escribiu os seus himnos coa sinatura L.S. Escribiu tamén textos para uso das escolas dominicais, Berättelser för söndagsskolan (1870-1874), Samlade sånger (1882–1885), e publicou durante moitos anos o almanaque Korsblomman (1865-1902) que incluía poemas, historias e biografías. Desde 1889 foi colaboradora de Barnens vän, o voceiro da Misión Evanxélica Sueca. Escribiu máis de 1700 himnos relixiosos e poemas entre eles, Tryggare kan ingen vara, Blott en dag e Jag kan icke räkna dem alla.

Na última versión (1986) do libro oficial de salmos da Igrexa de Suecia, Den svenska psalmboken, hai 15 dos seus salmos.