Mundial de Fútbol de 2014 - Grupo B
From Wikipedia, the free encyclopedia
O Grupo B da Copa do Mundo de Fútbol de 2014, realizada no Brasil, estivo composto por catro equipos que se enfrontaron entre si nun total de seis encontros. Neste grupo enfrontaranse os dous últimos finalistas da Copa do Mundo de Suráfrica 2010: España e os Países Baixos. Completan o grupo as selección de Chile e Australia. Ao termo dos mesmos os dous con maior cantidade de puntos clasificaronse á seguinte fase. Finalmente pasarían á seguinte fase os Países Baixos, con 9 puntos, e Chile, con 6. Quedarían eliminadas España, con 3 puntos, e Australia, que non conseguiu puntuar.
Na última clasificación Mundial da FIFA antes do Mundial, que viu a luz o 5 de xuño de 2014, España ocupaba o primeiro posto, Chile o lugar número catorce, os Países Baixos o quince e Australia o sesenta e dous. A media do grupo correspondía ao lugar número vinte e tres, sendo con exclusión da selección con peor coeficiente, Australia, a clasificación media de dez.[1]