O Museo Monetario do Banco da Reserva da India (en inglés: Reserve Bank of India Monetary Museum; en hindi: भारतीय रिजर्व बैंक मौद्रिक संग्रहालय) é un museo situado en Fort, o distrito financeiro de Bombai, especializado na historia do diñeiro e da moeda na India.[1][2]
| Museo Monetario do Banco da Reserva da India –Reserve Bank of India Monetary Museum– –भारतीय रिजर्व बैंक मौद्रिक संग्रहालय– | |
|---|---|
 Placa na entrada do Museo Monetario do BRI | |
| Coordenadas | 18°56′2.78″N 72°50′11.56″L |
| País |  India |
| Cidade | Bombai |
| Inauguración | 2004 |
| Na rede | |
| https://rbi.org.in/Scripts/ic_museum.aspx | |
| [ editar datos en Wikidata ] | |
Historia
O Museo Monetario do RBI fundouse en 2004 como parte do programa educativo do banco central e entidade emisora do país, o Banco de Reserva da India, e foi inaugurado por A. P. J. Abdul Kalam, daquela presidente da India. Trátase do único museo do país centrado na numismática e na historia económica.[3][4]
A colección
Os fondos do museo abranguen mostras da evolución dos medios de pagamento na India, desde o antigo sistema do troco ata as actuais transaccións electrónicas.[5][1]
A colección preséntase dividida en seis seccións e componse de arredor de 1.500 obxectos, entre os que destacan moedas datadas no século VI a. de C. e do Val do Indo, moedas do Imperio Cuxano, exemplares do Imperio Gupta e do período do Raj Británico, así como papel moeda de diversos lugares da India, da China e do Sueste Asiático, instrumentos financeiros e outros obxectos afíns.[1][5][6]
Na súa primeira sección, denominada "Ideas, conceptos e curiosidades", amósase un orixinal conxunto de 49 moedas de formas e tamaños moi diversos utilizadas entre os séculos IV e XX en diversos lugares do mundo, como é o caso das barras dobradas indias, as moedas-coitelo da China, as moedas-pulseira de África Occidental ou as moedas-bala de Tailandia.[1][3]
Notas
Véxase tamén
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
