Narmer
From Wikipedia, the free encyclopedia
Narmer ou Menes foi o primeiro faraón do Antigo Exipto e fundador da Dinastía I c. 3050 a. C.
Narmer | |
---|---|
Faraón | |
Primeiro plano do faraón Narmer, dun facsímile a tamaño completo da orixinal paleta de Narmer no Cairo, esta versión está na á do antigo Exipto do Museo Real de Ontario. | |
Reinado | c. -3150 a -3125 |
Nacemento | c. -3185 |
Falecemento | c. -3125 |
Sepultura | Tumba B17-18, da necrópole de Umm el-Qaab, Abidos, Exipto |
Predecesor | Posiblemente Horus Ka ou Horus Escorpión II |
Sucesor | Aha |
Consorte | Posiblemente Neithotep |
Descendencia | Posiblemente Aha Posiblemente Neithotep |
Na rede | |
Denominado Meni na Lista Real de Abidos e o Canon de Turín, Men ou Min por Herodoto e Menes de Tis por Manetón nos seus epítomes, escritos por Xulio Africano, Eusebio de Cesarea e o monxe Sincelo.
Menes reinou 62 anos segundo Xulio Africano, ou 60 anos segundo Herodoto e Sincelo. Aínda que a versión armenia de Eusebio de Cesarea asígnalle 30 anos.
Menes era rei do Alto Exipto, posible sucesor de Hr skr, Horus Escorpión. Conquistou o Baixo Exipto (delta do Nilo) e instaurou a súa capital en Ineb Hedy "Muralla branca", a futura Menfis. Avanzou co seu exército máis aló das fronteiras do seu reino (Eusebio de Cesarea). Pereceu arroiado por un hipopótamo (Xulio Africano).
O triunfo da primeira unificación do Antigo Exipto quedou rexistrado alegoricamente na denominada Paleta de Narmer (Gardiner).