Notitia dignitatum
From Wikipedia, the free encyclopedia
A Notitia dignitatum é un documento único da chancelería imperial romana. Trátase dun dos poucos documentos que nos chegaron sobre o goberno romano, no que se detalla a organización administrativa do Imperio romano, oriental e occidental, desde a propia corte imperial até o nivel provincial. Considérase que contén a información actualizada da década do 420 para o Imperio Romano de Occidente e da década do 400 para o Imperio Romano de Oriente; pero non se pode dar unha data precisa.
Hai varias copias dos séculos XIV e XV, ademais dunha versión iluminada en cor de 1542. Todas proceden dun único manuscrito perdido que contiña varios documentos de gran valor, dos cales un era do século IX.
A Notitia deriva o seu nome da descrición inicial dos manuscritos:
Notitia dignitatum omnium tam civilium quam militarium utriusque imperii occidentis orientisque. hoc documentum rationem reddit de structura et administratione imperii Romani aetate Theodosiana. ultima redactio notitiae dignitatum a primis decenniis saeculi quinti provenit.[1]«Lista dos oficiais, tanto civís como militares, de ambos imperios, de Occidente e de Oriente. Este documento presenta a estrutura e administración do Imperio romano na época teodosiana. A última edición da lista corresponde á primeira década do século V».