Un byte (pronunciado "bait") ou octeto é un dos tipos de datos usados en computación para especificar o tamaño ou cantidade da memoria ou da capacidade de almacenamento dun computador. Normalmente corresponde con 8 bits (véxanse detalles mais embaixo).
Significados
A palabra byte ten varios significados, todos próximos entre si:
- Unha secuencia contigua dun número fixo de bits. Nos computadores modernos, un byte consta de 8 bits, ou octeto. Algúns modelos máis antigos usaron bytes de 6, 7 ou 9 bits.
Un byte é sempre atómico no sistema, o que significa que é a máis pequena unidade de memoria enderezable (á que se pode acceder directamente). Un byte de 8 bits pode conter 256 valores posibles (28 = 256) — o suficiente para almacenar ben un enteiro sen sinal entre 0 e 255, ben un enteiro con sinal entre -128 e 127 ou ben un carácter de 7 bits (tal como a ASCII) ou 8 bits.
- Unha secuencia contigua de bits que constitúe un sub-campo dunha secuencia máis longa chamada word.
- Un tipo de dados en certas linguaxes de programación. O C, por exemplo, define o
bytecomo sinónimo deunsigned char— un tipo de dados enteiro capaz de almacenar polo menos 256 valores diferentes.
Outras designacións
O byte de 8 bits tamén se chama octeto, especialmente no contexto de redes de computadores e telecomunicacións, reflectindo a cantidade de bits que ten.
Á metade dun byte (4 bits), dáselle o nome de nibble ou semioctecto.
Cantidades
Os prefixos quilo-, mega--, xiga- etc. considéranse potencias de 1024 no canto de potencias de 1000. Isto é así porque 1024 é a potencia de 2 (210) máis preto de 1000. Utilizase unha potencia de 2 porque se traballa nun sistema binario.
| Nome | Abrev. | Factor | Tamaño no SI |
| quilo | k | 210 = 1024 | 103 = 1000 |
| mega | M | 220 = 1 048 576 | 106 = 1 000 000 |
| xiga | G | 230 = 1 073 741 824 | 109 = 1 000 000 000 |
| tera | T | 240 = 1 099 511 627 776 | 1012 = 1 000 000 000 000 |
| peta | P | 250 = 1 125 899 906 842 624 | 1015 = 1 000 000 000 000 000 |
| hexa | E | 260 = 1 152 921 504 606 846 976 | 1018 = 1 000 000 000 000 000 000 |
| zetta | Z | 270 = 1 180 591 620 717 411 303 424 | 1021 = 1 000 000 000 000 000 000 000 |
| yotta | Y | 280 = 1 208 925 819 614 629 174 706 176 | 1024 = 1 000 000 000 000 000 000 000 000 |
| bronto | B | 290 = 1024 Yottabytes | 1027 = 1 000 000 000 000 000 000 000 000 |
No 1998 creouse un novo sistema de prefixos para denotar múltiplos binarios pola IEC. Oficialmente, o patrón IEC especifica que os prefixos do SI usaránse só para múltiplos en base 10 e xamais en base 2.
| Nome | Abrev. | Factor |
| quibi | Ki | 210 = 1024 |
| mebi | Mi | 220 = 1 048 576 |
| gibi | Gi | 230 = 1 073 741 824 |
| tebi | Ti | 240 = 1 099 511 627 776 |
| pebi | Pi | 250 = 1 125 899 906 842 624 |
| exbi | Ei | 260 = 1 152 921 504 606 846 976 |
Véxase tamén
Outros artigos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
