San Millán de la Cogolla
From Wikipedia, the free encyclopedia
From Wikipedia, the free encyclopedia
San Millán de la Cogolla é un municipio da comunidade autónoma da Rioxa, en España. Situado ao pé da Serra da Demanda (Sistema Ibérico) na vertente oriental que separa a Meseta do Val do Ebro, a 728 m de altitude sobre o nivel do mar e a beiras do río Cárdenas.
Localización | |||||
---|---|---|---|---|---|
| |||||
Estado | España | ||||
Comunidade autónoma | A Rioxa | ||||
Capital | San Millán de la Cogolla | ||||
Poboación | |||||
Poboación | 214 (2023) (6,86 hab./km²) | ||||
Xeografía | |||||
Parte de | |||||
Superficie | 31,19 km² | ||||
Altitude | 728 m | ||||
Comparte fronteira con | Berceo (pt) Villavelayo (pt) Ezcaray Pazuengos (pt) Mansilla de la Sierra (pt) Tobía (pt) Anguiano Estollo (pt) Villar de Torre (pt) | ||||
Organización política | |||||
• Alcaldesa | Maria del Pilar Mendoza Martinez (en) | ||||
Identificador descritivo | |||||
Código postal | 26326 | ||||
Fuso horario | |||||
Código INE | 26130 | ||||
Aínda que non está situado exactamente no Camiño de Santiago, moitos peregrinos desprazábanse ata alí para logo retomar a ruta xacobea. É coñecido especialmente polos seus mosteiros de Suso e Yuso, desde 1997 Patrimonio da Humanidade pola UNESCO.
O municipio tomou o seu nome do santo Millán (evolución ao castelán do nome en latín Æmilianus ou Emiliano), anacoreta que foi alumno de San Felices e viviu do 474 ao 575, creador da comunidade mixta de eremitas de Suso, que logo daría lugar a un dos focos culturais máis importantes da época medieval no sur de Europa.
Por esas datas existía no lugar unha igrexa chamada de San Jorge, que sería igrexa parroquial do pobo ata 1542, na que se encontraba a sepultura de Santa Potamia, discípula de San Millán. Esta ermida, do século XII, consérvase na actualidade á entrada do pobo, xunto ao río Cárdenas, e está considerada unha das igrexas consagradas máis antigas da Rioxa.
Entre os séculos XVI e XVII, levantouse o Mosteiro de San Millán de Yuso (ou de abaixo), de grandes proporcións denominado dende os anos 1960 "o Escorial da Rioxa". Este mosteiro foi un dos máis influentes na época medieval na Península Ibérica e foi o centro relixioso de moitas zonas da Rioxa, Burgos, Soria, Palencia e Áraba.
En 1997 os dous mosteiros de San Millán de la Cogolla, Suso e Yuso foron catalogados pola UNESCO como Patrimonio da Humanidade.
A poboación do municipio está dividida en dous núcleos: San Millán de la Cogolla (258 hab. en 2010) e El Río (20 hab.).
1900 | 1930 | 1950 | 1970 | 1981 | 2001 | 2010 |
---|---|---|---|---|---|---|
824 | 740 | 877 | 504 | 298 | 257 | 278 |
Tradicionalmente a agricultura (cereal, pataca, remolacha), gandaría (vacúa e ovina) e explotación madeireira (faia, carballo e piñeiro) foron os principais sectores produtivos da localidade, aínda que agora o impulso turístico xerado polos mosteiros contribuíu a implantar o turismo como un dos piares económicos principais da zona, creándose un complexo hostaleiro importante, con hoteis, restaurantes e actividades lúdicas relacionadas.
Outra actividade importante, ao estar situado na Serra da Demanda, xunto á Reserva Nacional, é a caza maior (cervo, xabaril e corzo), postos de pomba torcaza e couto de caza menor con paspallás e perdiz como principais atractivos.
Dentro do recinto urbano está o Mosteiro de San Millán, formado, á súa vez, polo primitivo Mosteiro de San Millán de Suso («de arriba») e o Mosteiro de San Millán de Yuso («de abaixo»). O Escritorio de San Millán é un dos máis antigos de Europa, converténdose nun centro de cultura moi importante, mostra diso son a magnífica colección de códices que se conservan. Entre os máis importantes están o Códice 60, onde se encontran as Glosas Emilianenses, algunhas das primeiras palabras en éuscaro e en navarro-aragonés, confundido durante décadas con castelán primixenio, polo que San Millán é coñecida como o "Bera". Gonzalo de Berceo, primeiro poeta castelán coñecido, serviu ao mosteiro como notario. A biblioteca e o arquivo están considerados como un dos mellores conxuntos monásticos. As razóns históricas, literarias, artísticas, así como o conxunto monumental, fixeron posible a súa declaración como Patrimonio da Humanidade en decembro de 1997. Na actualidade o Mosteiro de San Millán de Yuso está habitado por frades da Orde de Agostiños Recoletos.
Tanto o mosteiro de Yuso coma o de Suso foron declarados Ben de Interese Cultural na categoría de Monumento o 3 de xuño de 1931.
Commons ten máis contidos multimedia sobre: San Millán de la Cogolla |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.