Albumina sérica

A albumina sérica ou seroalbumina,^[2] é unha proteína albumina (un tipo de proteína globular) que se encontra no sangue dos vertebrados. As máis coñecidas son a albumina sérica humana, codificada polo xene ALB do cromosoma 4,^[3][4][5] e a albumina sérica bovina, quimicamente similar, que ten moitos usos en laboratorio e clínicos. A albumina sérica de galiña denomínase conalbumina.

Para outras páxinas con títulos homónimos véxase: Albumina sérica humana e Albumina sérica bovina.

Albumina sérica
Estrutura da albumina sérica humana.[1]
Identificadores
Símbolo	Serum_albumin
Pfam	PF00273
Pfam clan	CL0282
InterPro	IPR014760
SMART	SM00103
PROSITE	PS51438
SCOPe	1ao6 / SUPFAM
Estruturas proteicas dispoñibles: Pfam   estruturas / ECOD   PDB RCSB PDB; PDBe; PDBj PDBsum resumo de estruturas PDB 1ao6, 1bj5, 1bke, 1bm0, 1e78, 1e7a, 1e7b, 1e7c, 1e7e, 1e7f, 1e7g, 1e7h, 1e7i, 1gni, 1gnj, 1h9z, 1ha2, 1hk1, 1hk2, 1hk3, 1hk4, 1hk5, 1j78, 1j7e, 1kw2, 1kxp, 1lot, 1ma9, 1n5u, 1o9x, 1tf0, 1uor, 1ysx, 2bx8, 2bxa, 2bxb, 2bxc, 2bxd, 2bxe, 2bxf, 2bxg, 2bxh, 2bxi, 2bxk, 2bxl, 2bxm, 2bxn, 2bxo, 2bxp, 2bxq, 2i2z, 2i30, 2vdb, 2vue, 2vuf, 3b9l, 3b9m

A albumina sérica prodúcese no fígado,^[5] aparece disolta no plasma sanguíneo e é a proteína sanguínea máis importante dos mamíferos. A albumina sérica é esencial para manter a presión oncótica necesria para a distribución apropiada dos fluídos corporais entre os vasos sanguíneos e tecidos do corpo; sen esta albumina, a alta presión nos vasos sanguíneos forzaría a saída de máis fluídos cara aos tecidos. Tamén actuaría como un transportador do plasma de varias hormonas esteroides hidrófobas que non se unen especificamente e de hormonas tiroides, así como unha proteína de transporte da hemina e ácidos graxos.^[6] Que haxa demasiada ou demasiada pouca albumina sérica circulante pode ser nocivo. A albumina sérica na urina xeralmente denota a presenza de doenzas renais. Ocasionalmente a albumina sérica aparece na urina de persoas normais despois de estar moito trempo de pé (albuminuria postural).

Notas

1. Sugio S, Kashima A, Mochizuki S, Noda M, Kobayashi K (June 1999). "Crystal structure of human serum albumin at 2.5 A resolution". Protein Engineering 12 (6): 439–46. PMID 10388840. doi:10.1093/protein/12.6.439.
2. Definicións no Dicionario da Real Academia Galega e no Portal das Palabras para seroalbumina.
3. Hawkins JW, Dugaiczyk A (1982). "The human serum albumin gene: structure of a unique locus". Gene 19 (1): 55–8. PMID 6292049. doi:10.1016/0378-1119(82)90188-3.
4. Harper ME, Dugaiczyk A (July 1983). "Linkage of the evolutionarily-related serum albumin and alpha-fetoprotein genes within q11-22 of human chromosome 4". American Journal of Human Genetics 35 (4): 565–72. PMC 1685723. PMID 6192711.
5. "Entrez Gene: albumin".
6. Zunszain PA, Ghuman J, Komatsu T, Tsuchida E, Curry S (July 2003). "Crystal structural analysis of human serum albumin complexed with hemin and fatty acid". BMC Structural Biology 3: 6. PMC 166163. PMID 12846933. doi:10.1186/1472-6807-3-6.

Véxase tamén

Ligazóns externas

• RCSB Protein Data Bank : Molécula do mes – Albumina séricaArquivado 30 de decembro de 2009 en Wayback Machine.
• Predición da unión á albumina