Tribunal Supremo dos Estados Unidos de América
From Wikipedia, the free encyclopedia
O Tribunal Supremo dos Estados Unidos (en inglés, Supreme Court of the United States), é o tribunal máis alto existente nos Estados Unidos de América. Como tal, o Tribunal é a cabeza do Poder Xudicial dos Estados Unidos.
Tribunal Supremo dos Estados Unidos de América | |
---|---|
Tipo | corte suprema e United States article III court |
Data de fundación | 1789 |
Presidente/a | John Roberts (2005-) |
Nº de membros | 8 (2020) |
Sede | Washington, D.C. e Old Senate Chamber |
En | Washington, D.C. |
País | Estados Unidos de América |
38°53′26″N 77°00′16″O | |
Na rede | |
https://www.supremecourt.gov/ | |
[ editar datos en Wikidata ] |
O Tribunal está formado por un Xuíz Presidente (Chief Justice) e oito Xuíces Asociados (Associate Justices), que son nomeados polo presidente dos Estados Unidos e confirmados co "consello e consentimento" do Senado dos Estados Unidos. Unha vez no tribunal, o cargo e vitalicio e só poden ser depostos polo Congreso mediante un proceso de impeachment, con todo, os xuíces poden renunciar cando o desexen. Ningún xuíz foi destituído do seu cargo, aínda que moitos retiráronse ou renunciaron.
O Tribunal Supremo é o único tribunal establecido pola Constitución dos Estados Unidos; tódolos demais foron creados polo Congreso. O Tribunal posúe a facultade de revisión xudicial e a facultade de declarar inconstitucionais leis federais ou estatais e accións dos poderes executivos federais e estatais. As súas decisións non poden ser apeladas.
O Tribunal Supremo reúnese en Washington, D.C.. Ás veces, de xeito coloquial, faise referencia a el polo seu acrónimo en inglés SCOTUS (de Supreme Court of the United States).