Apolipoproteína A4

A apolipoproteína A4 (ApoA4), tamén chamada apolipoproteína A-IV (apoA-IV, apoAIV) é unha proteína do plasma sanguíneo que está codificada en humanos no xene APOA4 do cromosoma 11.^[1][2]

Estruturas dispoñibles
PDB	Buscar ortólogos: PDBe, RCSB
Identificadores
Nomenclatura	Outros nomes APOA4, apolipoproteína A4
Símbolo	APOA4 (HGNC: 602)
Identificadores externos	OMIM: 107690 MGI: 88051 HomoloGene: 47927 EBI: APOA4 GeneCards: Xene APOA4 UniProt: APOA4
Locus	Cr. 11 q23.3
Ontoloxía Xénica Referencias: AmiGO / QuickGO
Padrón de expresión de ARNm
Máis información
Ortólogos
Especies	Humano Rato
Entrez	337 11808
Ensembl	Véxase HS Véxase MM
UniProt	P06727 P06728
RefSeq (ARNm)	NM_000482 NM_007468
RefSeq (proteína) NCBI	n/a NP_031494
Localización (UCSC)	Cr. 11: 116.82 – 116.82 Mb Cr. 9: 46.15 – 46.15 Mb
PubMed (Busca)	337 11808

Xene

O xene APOA4 encóntrase no cromosoma 11 humano en estreito ligamento cos xenes APOA1 e APOC3. O APOA4 contén 3 exóns separados por dous intróns e é polimórfico, aínda que a maioría dos polimorfismos nas secuencias dos que se informou ocorren no exón 3. Os SNPs non sinónimos mellor validados e estudados son unha substitución glutamina → histidina no codón 360 e unha substitución treonina → serina no codón 347; tamén se identificou un polimorfismo de secuencia na 3'UTR do terceiro exón.^[3] A análise comparativa de secuencias do xene entre especies suxire que o xene APOA4 se orixinou a partir do APOA1 por medio dunha duplicación xénica acontecida aproximadamente hai 270 millóns de anos.^[4]

Función

O principal produto de tradución do xene APOA4 é unha preproteína de 396 residuos, que sofre un procesamento proteolítico para render a a apolipoproeína 4 (APOA4), unha glicoproteína enlazada por O madura de 376 residuos. Na maioría dos mamíferos, incluíndo os humanos, a síntese da APOA4 prodúcese exclusivamente no intestino; porén en ratos e ratas tamén hai síntese hepática. A APOA4 segrégase á circulación sanguínea na superficie de partículas de quilomicrons de nova síntese. A absoricón de graxas intestinal incrementa moitísimo a síntese e secreción de APOA4. Aínda que a súa función principal no metabolismo lipídico humano non foi definitivamente establecida, encontrouse que a APOA4 intervén nas seguintes accións:

• activa a lecitina-colesterol aciltransferase e a proteína de transferencia de ésteres do colesterol in vitro;
• xoga un papel na regulación do apetito e a saciedade en modelos de roedores;
• mostra propiedades antioxidantes e antiateroxénicas in vitro e en modelos de roedores;
• modula a eficiencia do transporte lipídico transcelular en enterocitos e o hepático in vitro.^[3]

Non se informou de que se atopase deficiencia da APOA4 humana.

Interaccións

A APOA4 presenta interaccións con GPLD1.^[5]