Acrobatic Tenement

Acrobatic Tenement é o álbum de estrea da banda estadounidense de post-hardcore At the Drive-In, publicado o 18 de agosto de 1996 polo selo Flipside.^[1] O disco, xunto con In/Casino/Out e Relationship of Command, sería reeditado por Fearless Records en 2004, e novamente en 2013.

Acrobatic Tenement
At the Drive-In
Título Acrobatic Tenement
Instancia de álbum musical
Xénero post-hardcore
Autoría
Interpretado por At the Drive-In
Publicación
Selo discográfico Flipside
Datas  Data de publicación 1996
Cronoloxía  Sucedido por In/Casino/Out
Localización  Lugar de publicación Estados Unidos de América
Identificadores Freebase /m/01jr538
Fontes e ligazóns Redes
Wikidata

Só un dos seus temas, "Initiation", dos álbum apareceu no recompilatorio de 2005 This Station Is Non-Operational,^[2] aínda que como unha gravación ao vivo na BBC sacada do sinxelo de 2001 "Invalid Litter Dept.".

Antecedentes e gravación

O disco foi lanzado inicialmente o 18 de agosto de 1996 unicamente en CD a través do selo/fancine dos Ánxeles Flipside, despois de que varios membros da discográfica quedasen impresionados pola actuación do grupo nun pequeno club da cidade.^[3] O traballo gravouse nos Ánxeles cun custo de tan só 600$ despois de rematar unha xira polos Estados Unidos en xullo de 1996.^[4]

O álbum destaca pola súa falta de distorsión, que se debe ao feito de que o guitarrista Jim Ward cría que as súas gravacións non serían usadas para o máster final.^[5] Reflexionando sobre as consecuencias da gravación de Acrobatic Tenement, o vocalista Cedric Bixler dixo en 2013: "Antes [do lanzamento do álbum] a banda rompera. Fixéramos unha xira estadounidensense e decidimos separarnos. Sempre necesitaba que Jim estivese alí, pero tivera unha pelexa con Omar. Fixemos un montón de movementos estúpidos nesa época, botamos ao batería [Ryan Sawyer] que estaba no disco, e despois ao outro guitarra [Adam Amparan], pero entón Tony e Paul viñeron e tocaron. Omar pasouse á guitarra nese momento, porque tocaba o baixo no álbum, así que cando tocabamos ao vivo era moi diferente".^[6]

Gran parte do álbum, particularmente o tema "Ebroglio", inspirouse na vida e suicidio de Julio Venegas, un amigo da banda.^[7] Venegas posteriormente foi a inspiración para o álbum de 2003 de The Mars Volta De-Loused in the Comatorium.

Listaxe de cancións

N.º	Título	Duración
1.	"Star Slight"	1:18
2.	"Schaffino"	2:49
3.	"Ebroglio"	2:47
4.	"Initiation"	3:26
5.	"Communication Drive-In"	1:44
6.	"Skips on the Record"	3:07
7.	"Paid Vacation Time"	3:33
8.	"Ticklish"	4:35
9.	"Blue Tag"	3:17
10.	"Coating of Arms"	2:46
11.	"Porfirio Diaz"	2:58
32:20

Persoal

• Cedric Bixler - voces principais
• Jim Ward - guitarra e coros
• Adam Amparan - guitarra
• Omar Rodríguez - baixo
• Ryan Sawyer - batería