Adam Driver

Adam Douglas Driver, nado o 19 de novembro de 1983, é un actor estadounidense. Durante a súa carreira recibiu numerosos premios, incluíndo a Copa Volpi ó mellor actor, así como nomeamentos ós Premios Tony, ós Premios Óscar, e ós Premios Primetime Emmy.

Adam Driver

(2017)
Biografía
Nacemento	(en) Adam Douglas Driver 19 de novembro de 1983 (41 anos) San Diego, Estados Unidos de América
Grupo étnico	Neerlando-americano (pt) , xermanos estadounidense, irlandoamericano, French Americans (en) , sueco-estadounidense e británico-estadounidense
Educación	Escola Juilliard University of Indianapolis (en) Mishawaka High School (en)
Altura	189 cm
Actividade
Campo de traballo	Actuación
Ocupación	actor de cinema (2011–), actor de televisión (2010–2015), actor de teatro, actor
Período de actividade	2010 -
Carreira militar
Rama militar	Corpo de Marines dos Estados Unidos
Familia
Cónxuxe	Joanne Tucker (2013–)
Premios
(2020)  premios Independent Spirit (2016)  Premio MTV Movie ao mellor vilán, premiado polo traballo Star Wars Episode VII: The Force Awakens (2016)  Premio Saturn ao mellor actor secundario, premiado polo traballo Star Wars Episode VII: The Force Awakens (6 de setembro de 2014)  Copa Volpi á mellor interpretación masculina, premiado polo traballo Hungry Hearts (en) (2012)  Lucille Lortel Award for Outstanding Featured Actor (en)

Driver fixo o seu debut en Broadway con Mrs. Warren's Profession (2010) e despois apareceu en Man and Boy (2011). Acadou certa fama co papel secundario na serie de HBO Girls (2012–2017), polo cal recibiu tres nomeamentos consecutivos ós Premios Primetime Emmy. Driver comezou a súa carreira no cinema en papeis secundarios en Lincoln (2012) de Steven Spielberg, Frances Ha (2012) de Noah Baumbach, Inside Llewyn Davis (2013) dos irmáns Coen e Silence (2016) de Martin Scorsese. Gañou a Copa Volpi ó mellor actor polo seu papel no drama Hungry Hearts (2014) e protagonizou Paterson (2016) de Jim Jarmusch.

Driver conseguiu o recoñecemento internacional pola súa interpretación de Kylo Ren na triloxía secuela (2015–2019) da Guerra das galaxias. En 2019, regresou ó teatro con Burn This, papel polo cal foi nomeado ó Premio Tony ó mellor actor. Conseguiu dous nomeamentos consecutivos ós Premios Óscar; como mellor actor secundario por BlacKkKlansman (2018) de Spike Lee, e como mellor actor por Marriage Story (2019) de Noah Baumbach.^[1]

Driver é veterano da Corpo de Marines dos Estados Unidos.^[2][3] É fundador de Arts in the Armed Forces, unha organización sen ánimo de lucro que achega programas artísticos de balde para militares en servizo, veteranos, asistentes e as súas familias en todo o mundo.^[4]