Alhazen

Abu Ali al-Hasan Ibn Al-Haitham (en árabe: أبو علي، الحسن بن الحسن بن الهيثم‎), latinizado como Alhazen, nado en Basora en 965 e finado no Cairo en 1040, foi un matemático e astrónomo árabe.

Alhazen

Biografía
Nacemento	(ar) أَبُو عَلِيّ ٱلْحَسَنٌ بْن ٱلْحَسَنٌ بْن ٱلْهَيْثَم c. 965 Basora (Dinastia Buyida)
Morte	1039 (73/74 anos) O Cairo (Califato fatimí)
Residencia	O Cairo
Relixión	Islam
Actividade
Campo de traballo	Física
Ocupación	matemático, inventor, astrólogo, astrónomo, físico, filósofo, enxeñeiro
Alumnos	Al-Mubashshir ibn Fatik (pt)
Influencias	Aristóteles
Obra
Obras destacables Doubts Concerning Ptolemy (en) (1021) Book of Optics (en)
Descrito pola fonte	Nordisk familjebok Enciclopedia soviética xeorxiana, (vol:5, p.71) Grande Enciclopedia Soviética (1926—1947)

Traxectoria

Físico e matemático árabe, Alhazen foi pioneiro no estudo da óptica, enxeñería e astronomía. Segundo Giambattista della Porta, foi o primeiro en explicar o fenómeno dos corpos celestes no horizonte, aínda que Roger Bacon atribúe este descubrimento a Tolomeo.

O seu tratado de óptica Kitab al-Manazir foi traducido ao latín por Witelo en 1270, a obra gozou de gran reputación durante a Idade Media. O libro de Alhazen é posiblemente o traballo máis antigo en usar o método científico: Alhazen empregou os resultados de experimentos para probar as súas teorías. A influencia de Alhazen chegou ata Francis Bacon e Johannes Kepler.