Alto sorbio

O alto sorbio^[1] ou alto sorabo^[2] (hornjoserbšćina) é unha lingua minoritaria de Alemaña, falada na histórica provincia de Alta Lusacia (en sorbio Hornja Łužica), actualmente parte do land de Saxonia. É unha das dúas variantes da lingua sorbia, que forma parte das linguas eslavas occidentais, moi similar ao checo.

Alto sorbio
Hornjoserbšćina
Instancia de lingua natural lingua viva
Subclase de lingua sorabia
Propiedades
Número de falantes 13300 (2007)
Alfabeto alfabeto latino alfabeto alto sorbio
Institución de normalización Comisión da Lingua Alto Sorbia
Caso gramatical nominativo locativo instrumental acusativo xenitivo dativo vocativo
Tempo gramatical presente perfecto pasado antepretérito de indicativo
Xénero gramatical masculino feminino neutro
Estado de lingua da UNESCO en perigo
Clasificación lingüística
linguaxe humana ↳ linguas indoeuropeas ↳ Linguas baltoeslavas ↳ linguas eslavas ↳ linguas lequíticas ↳ lingua sorabia
Xeografía
País Alemaña
Orixinario de Brandeburgo Saxonia - Sachsen
Identificadores
ISO 639-2	hsb
ISO 639-3	hsb
ISO 639-5	hsb
IETF	hsb
[ Wikidata ] [ C:Commons ]

Segundo datos do Ethnologue, falábano 15.000 persoas no 1996, dunha poboación duns 100.000. Ensínase nas escolas primarias, teñen programas de radio e televisión e moitos libros, como a tradución da Biblia desde 1728. O alto sorbio está clasificado como definitivamente en perigo polo Libro Vermello das Linguas Ameazadas da UNESCO.^[3]