Ameridelfos

Os ameridelfos (Ameridelphia) son un clado (magnorde ou superorde, segundo os autores) de mamíferos que inclúe a maioría dos marsupiais actuais de América (excepto Dromiciops gliroides, o popular colocolo que, a pesar de vivir nos bosques de Chile e a Arxentina, está claificado dentro da magnorde dos australidelfos).

Ameridelfos Ameridelphia Rango fósil: cretáceo - actualidade [1]
Sarigüeia de Virxinia (Didelphis virginiana)
Clasificación científica
Reino: Animalia Subreino: Bilateria Superfilo: Deuterostomia Filo: Chordata Subfilo: Vertebrata Infrafilo: Gnathostomata Superclase: Tetrapoda Clase: Mammalia Infraclase: Marsupialia Magnorde: Ameridelphia Szalay, 1982
Ordes e Familias
Véxae o texto

Caenolestes fuliginosus.

O grupo integra un total de 98 especies distribuídas en dúas ordes, Didelphimorphia, con 92 especies,^[2] e Paucituberculata, con 6 especies.^[3]

Unha terceira orde, Sparassodonta, só inclúe especies extintas.

Clasificación

O grupo foi descito en 1982 pola antropóloga e zoóloga australiana Alexandra Szalay, en "A new appreaisal of marsupial phylogeny and classification", pp. 621–640, en M. Archer, ed. (1982): Carnivorous Marsupials, volume 2. Sydney: Royal Zoological Society of New Wales. ISBN 978-0-9599951-3-8.

Comprende as ordes familias seguintes:

• Orde Didelphimorphia (Gill, 1872)
  • Familia Didelphidae Gray, 1821 - sarigüeias
• Orde Paucituberculata Ameghino, 1894
  • Familia Caenolestidae Trouessart, 1898 - sarigüeias rata

Evolución e filoxenia

Na actualidade pénsase que os marsupiais modernos proceden dunha liñaxe orixinaria de América que máis tarde chegou a Australia, onde se divesificou nunha masiva radiación adaptativa.^[4][5]

Datos moleculares, incluíndo análises de sitios de inserción de retrotransposóns no ADN nuclear duna gran variedade de marsupiais e as evidencias fósiles indican que os Ameridelphia podería ser mellor entendido como un grao evolutivo.

Segundo isto, os Didelphimorphia parecen seren o grupo basal dos marsupiais, e os Paucituberculata non parecen seren os seus parentes máis achegados.^[4][5]

Por outra parte, o clado sen claificar Euaustralidelphia propúxose como o nome para os marsupiais australianos, Australidelphia (agás os Microbiotheria, dos que Dromiciops é o único supervivente (un auténtico fósil vivente), que con toda probabilidade deriva dunha única colonización de Suramérica vía a Antártida.^{[Cómpre referencia]}

Árbore filoxenética

 —o Magnorde Ameridelphia (Szalay, 1982)
  |- Xénero Jaskhadelphys Marshall & de Muizon, 1988 (†)
  |- Xénero Progarzonia Ameghino, 1904 (†)
  |-o Subfamilia Protodidelphinae Marshall, 1987 (†)
  |-o Orde Didelphimorphia (Gill, 1872)
  | |-o Familia Didelphidae Gray, 1821
  | `-o Familia Sparassocynidae (Reig, 1958) (†)
  |-o Orde Paucituberculata Ameghino, 1894 
  | |-o Superfamilia Argyrolagoidea (Ameghino, 1904) (†)
  | | |-o Familia Argyrolagidae Ameghino, 1904 (†)
  | | |-o Familia Groeberiidae Patterson, 1952 (†)
  | | `-o Familia Patagoniidae Pascual & Carlini, 1987 (†)
  | |-o Superfamilia Caenolestoidea (Trouessart, 1898) 
  | | |-o Familia Abderitidae (Ameghino, 1889) (†)
  | | |-o Familia Caenolestidae Trouessart, 1898  
  | | |-o Familia Palaeothentidae (Sinclair, 1906) (†)
  | | `-o Familia Sternbergiidae (Szalay, 1994) (†)
  | |-o Superfamilia Caroloameghinioidea (Ameghino, 1901) (†)
  | | |-o Familia Caroloameghiniidae Ameghino, 1901 (†)
  | | `-o Familia Glasbiidae (Clemens, 1966) (†)
  | `-o Superfamilia Polydolopoidea (Ameghino, 1897) (†)
  |   |-o Familia Bonapartheriidae Pascual, 1980 (†)
  |   |-o Familia Polydolopidae Ameghino, 1897 (†)
  |   |-o Familia Prepidolopidae Pascual, 1980 (†)
  |   `-o Familia Sillustaniidae Crochet & Sigé, 1996 (†)
  `-o Orde Sparassodonta (Ameghino, 1894) (†) 
    |-o Familia Borhyaenidae Ameghino, 1894 (†) 
    |-o Familia Hondadelphidae Marshall et al., 1990 (†)
    `-o Familia Mayulestidae de Muizon, 1994 (†)