Andreas Libavius

Andreas Libavius, nado en Halle en 1550 e finado en Coburgo o 25 de xullo de 1616, foi un médico e químico alemán.

Andreas Libavius

Biografía
Nacemento	1555 (Gregoriano) Halle (Saale), Alemaña
Morte	25 de xullo de 1616 (60/61 anos) Coburgo, Alemaña
Educación	Universidade de Jena
Actividade
Campo de traballo	Medicina, química, filosofía e historia
Ocupación	químico, profesor universitario, médico
Empregador	Universidade de Jena
Descrito pola fonte	Nordisk familjebok Allgemeine Deutsche Biographie Obálky knih,

Traxectoria

O seu nome era Andreas Libau, pero coñécese co seu apelido latinizado. Traballou como profesor en Ilmenau e Coburgo, e foi profesor en Jena en 1588. En 1597, escribiu o primeiro libro sistemático de química, Alchemia,^[1] que incluía instrucións para a preparación de diversos ácidos fortes. Algunhas das súas obras publicounas baixo o pseudónimo de Basilius de Varna.

Realizou importantes achegas á química. Descubriu a propiedade do óxido de ouro de dar cor vermella ao vidro e tamén o cloruro de estaño, que despois se coñeceu co nome de licor de Libavius.

Réplica do laboratorio en Rothenburg ob der Tauber.

Escribiu Neo-Paracelsica, Tractatus duo physici, Alchemia (1597),^[2] Schediasmata medica et phylosophica, Commentationum metallicarum libri IV (1597),^[3] Epitome metallica e Praxis alchimio, entre outras obras.

Galería de imaxes

• 
  Portada de Alchemia.
• 
  Commentationvm metallicarvm...