Androlla

A androlla é un embutido cárnico elaborado con costela de porco, pemento, sal e allo. Consómese normalmente cocida acompañada de cachelos e verdura ou dun cocido, aínda que tamén se pode preparar asada no forno ou grellada.

Androlla
Tipo	salchicha seca, salchicha e embutido
Gastronomía	gastronomía de Galicia
Ingredientes
carne de porco allo orégãos (pt) viño branco pemento
Fontes e ligazóns
TasteAtlas	androlla
[ Wikidata ]

Lacón con grelos: chourizos, androlla, xarrete de vaca, grelos e patacas.

Este manxar típico do sueste Ourense e de Lugo e do Bierzo ten a súa festa na vila de Viana do Bolo^[1] coincidindo tódolos anos co domingo de entroido e na vila da montaña lucense Navia de Suarna^[2].

Preparación

A androlla emprega o anaco de maior diámetro do intestino groso (corresponde co cego) para servir de recipiente para o produto. No recheo, este embutido usa principalmente costela e carne, se ben tamén pode levar cachos de coiro. Con todo isto, semella que nalgunhas zonas o recheo eran as propias tripas gordas adubadas cunha salsa picante^[3].

Etimoloxía

A denominación androlla vén do francés andouille, como se coñece na Bretaña e Normandía a un embutido moi similar^[4]. A denominación francesa, xa existente na Idade Media, provén do latín vulgar inductile, do verbo latino inducere 'introducir'^[3], que se refire 'ao que é introducido' (no botelo neste caso). Da palabra francesa deriva tamén a 'nduja italiana, típica na rexión de Calabria^[5].