Anna Pavlova

Anna Pavlovna (Matveyevna) Pavlova (ruso: Анна Павловна (Матвеевна) Павлова), nada o 31 de xaneiro^xul./ 12 de febreiro de 1881^greg. en San Petersburgo (Imperio Ruso) e finada na Haia o 31 de xaneiro de 1931, foi unha prima ballerina rusa de finais do século XIX e principios do XX, sendo considerada unha das primeiras grandes figuras do ballet e sendo considerada a mellor bailarina clásica do momento.^[1] Foi unha das artistas principais do Ballet Imperial Ruso dos Ballets Russes de Sergei Diagilev. Pavlova é especialmente recoñecida polo papel da Morte do cisne, que foi creado para ela por Michel Fokine, e, coa súa propia compañía, converteuse na primeira bailarina en realizar unha xira por todo o mundo.

Anna Pavlova

Pavlova ca. 1905.
Nome orixinal	Анна Павловна (Матвеевна) Павлова Anna Pavlovna (Matveyevna) Pavlovac
Biografía
Nacemento	12 de febreiro de 1881 Ligovo, San Petersburgo Imperio Ruso
Morte	23 de xaneiro de 1931 (49 anos) A Haia Países Baixos
Causa da morte	cancro de páncreas
Lugar de sepultura	Golders Green Crematorium (en)
País de nacionalidade	Rusa
Relixión	Cristianismo ortodoxo
Educación	Vaganova Academy of Russian Ballet (en)
Actividade
Ocupación	Bailarina
Período de actividade	1899 -
Familia
Cónxuxe	Victor Dandré
Premios
Orde das Palmas Académicas
Sinatura
Descrito pola fonte	Grande Enciclopedia Soviética 1969-1978, (sec:Павлова Анна Павловна) Grande Enciclopedia Soviética (1926—1947) Obálky knih,

Formada na prestixiosa escola do Ballet Imperial, debutou como solista no mesmo en 1899 e foi prima ballerina en 1905. Con todo, a súa consagración a nivel mundial chegou en 1910, xa nos Ballets Russes de Diagilev, a onde chegou en maio de 1909.^[1][2] Morreu prematuramente por mor unha pulmonía en 1931 aos 49 anos.^[1]