Anthriscus

Anthriscus é un xénero da familia Apiaceae, estendido por toda Europa e as zonas temperadas de Asia. Consta de 88 especies descritas e destas, só 16 aceptadas, algunhas das cales herbas velenosas.
Os membros do xénero vexetan en prados e bordos de camiños sobre solos húmidos e lixeiramente porosos.^[1]

Anthriscus
Anthriscus sylvestris
Clasificación científica
Reino: Plantae (sen clasif.) Angiospermae (sen clasif.): Eudicots (sen clasif.): Asterids Orde: Apiales Familia: Apiaceae Subfamilia: Apioideae Tribo: Scandiceae Subtribo: Scandicinae Xénero: Anthriscus Pers.
Especies
Ver texto

Descrición

As follas son 2-3-pinnadas, glabras a pubescentes; con segmentos lanceolados, aserrados a pinnatífidas. Invólucro de 1 ou 2 brácteas ou carecen. Raios florais 10-15. Involucelo de varios bractéolas. Dentes do cáliz obsoletos. Pétalos brancos. Froitos oblongos, tuberculados e hirsutos, raramente glabros, cristas non prominentes.^[2]

O talo oco destas especies é erecto e ramificado e coroado de umbelas compostas de pequenas flores brancas ou verdosas. As follas son bipinnadas ou tripinadas.

Taxonomía

O xénero foi descrito por Christian Hendrik Persoon e publicado en Synopsis Plantarum 1: 320. 1805.^[2] A especie tipo é a Anthriscus vulgaris Pers.

Etimoloxía

O nome pode provir do grego anthos (flor) e rischos (sebe) polo lugar onde habita, ou ben de antherix (cana) pola forma do seu pistilo.^[3]

Especies

A continuación dáse unha lista das especies do xénero Anthriscus aceptadas até xullo de 2013, ordenadas alfabeticamente. Para cada unha indícase o nome binomial seguido do autor, abreviado segundo as convencións e usos.

• Anthriscus africana Hook,f.
• Anthriscus caucalis M.Bieb.
• Anthriscus cerefolium (L.) Hoffm.
• Anthriscus fumarioides (Waldst. & Kit.) Spreng.
• Anthriscus glacialis Lipsky
• Anthriscus kotschyi Fenzl ex Boiss.
• Anthriscus lamprocarpa Boiss.
• Anthriscus mollis Boiss. & Reut.
• Anthriscus nemorosa (M.Bieb.) Spreng.
• Anthriscus nitida (Wahlenb.) Garcke
• Anthriscus ruprechtii Boiss.
• Anthriscus schumalhauenii (Albov) Koso-Pol.
• Anthriscus stocksiana (Boiss.) Koso-Pol.
• Anthriscus sylvestris (L.) Hoffm.
• Anthriscus tenerrima Boiss. & Spruner
• Anthriscus velutinus Sommier & Levier