Antonio Pazos Figueroa

Antonio Mauricio (ou Mauriño) Pazos Figueroa, nado en Pontevedra en 1524 e finado en Córdoba o 28 de xuño de 1586, foi un xurista, eclesiástico e estadista galego.

Antonio Pazos Figueroa

Biografía
Nacemento	(es) Antonio de Pazos y Figueroa 1524 Pontevedra, España
Morte	28 de xuño de 1586 (61/62 anos) Córdoba, España
Roman Catholic Bishop of Cordoba (en)
19 de marzo de 1582 – ← Martín de Córdoba y Mendoza (en) – Francisco Pacheco de Córdoba (en)  → Diocese: Diocese de Córdova (pt)
Roman Catholic Bishop of Patti (en)
17 de setembro de 1568 – 29 de outubro de 1578 ← Bartolomé Sebastián de Aroitia (pt) – Gilberto Isfar y Corillas (en)  → Diocese: Roman Catholic Diocese of Patti (en)
Roman Catholic Bishop of Cordoba (en)
Datos persoais
Relixión	Igrexa católica
Educación	Universidade de Salamanca Universidade de Boloña
Actividade
Ocupación	bispo católico (1568–), sacerdote católico, político
Consagración	Francisco Pacheco de Toledo (pt)

Traxectoria

Nado nunha familia da nobreza, estudou xurisprudencia na universidade de Salamanca e no colexio maior de San Clemente da universidade de Boloña, da que posteriormente foi reitor. De regreso a Galiza, foi oínte na Real Audiencia da Coruña. En 1560 marchou a Madrid, e logo de trabar amizade co inquisidor xeneral Fernando Valdés y Salas, tomou o estado eclesiástico e exerceu como inquisidor en Sicilia, Sevilla e Toledo, sendo amais nomeado cóengo doutoral da catedral de Tui. Trala súa intervención no proceso contra o arcebispo Bartolomé de Carranza, o papa Pío V concedeulle a abadía do Parque e o bispado de Patti (Sicilia), posto que ocupou durante dez anos.

En 1578 Filipe II nomeouno bispo de Ávila, se ben non chegou a tomar posesión, pois antes da consagración foi nomeado presidente do Consello de Castela^[1]. Como tal, exerceu de gobernador do reino entre 1581 e 1583 durante a viaxe do rei a Lisboa co gallo da fin da conquista de Portugal.

Cesou na presidencia do Consello en 1583 para ocupar o bispado de Córdoba, onde fundou o seminario conciliar de San Paio^[2] e participou no Concilio Provincial de Toledo.

Trala súa morte foi soterrado na capela do Sagrario da catedral de Córdoba^[3][4].

Predecesor: Bartolomé Sebastián de Aroitia	Bispo de Patti  1568 - 1578	Sucesor: Gilberto Isfar y Corillas
Predecesor: Diego de Covarrubias	Presidente do Consello de Castela  1577 - 1583	Sucesor: Francisco Zapata y Cisneros
Predecesor: Martín de Córdoba Mendoza	Bispo de Córdoba  1582 - 1586	Sucesor: Francisco Pacheco de Córdoba