Río Aqueronte

O río Aqueronte ou Aquerón (en grego antigo Αχέρων Akhérôn, "temible") é un río está situado no Epiro, rexión noroccidental de Grecia.

Río Aqueronte

(el) Αχέροντας (el) Αχέρων
Tipo	río
Situado na entidade xeográfica	Reino de Epiro
Inicio
División administrativa	Parga Municipality, Grecia (en)
Final
Localización	Mar Xónico
39°28′19″N 20°40′39″L B 39°14′11″N 20°28′33″L
Afluentes	Cocytus (en)
Características
Altitude	11 m
Dimensións	58 () km
Superficie da cunca hidrográfica	763 km²

Mitoloxía

Aqueronte pode traducirse como "río da traxedia" e críase que era unha bifurcación do río do inframundo Aqueronte, polo que, na mitoloxía grega, Caronte carrexaba as almas dos falecidos até o Hades. Aqueronte era un dos cinco ríos do Inframundo. Cóntase que nas súas augas todo se afundía agás a barca de Caronte, que accedía a pasar as almas dos defuntos a cambio dun óbolo, moeda que se lle poñía aos mortos na boca para pagarlle.

Artigo principal: Óbolo de Caronte.

O lago chamado Ακηερουσια Acherousia e o río aínda chamado Aquerón coas ruínas próximas do Necromanteion atópanse cerca de Parga no continente fronte a Corfú.

Críase que outra bifurcación do Aqueronte emerxía no cabo Acherusian (hoxe chamado Eregli, en Turquía) e foi avistado polos Argonautas segundo Apolonio de Rodas. Os gregos asentados en Italia identificaban o lago no que desembocaba o Aqueronte co lago Averno.

Platón no seu Fedón identificaba a Aqueronte como o segundo maior río do mundo, superado só polo Océano. Afirmaba que o Aqueronte corría en dirección oposta desde o Océano por debaixo da terra baixo lugares desérticos.

No Aqueronte do inframundo desembocaban os ríos Flexetonte e Cocito, considerado este como unha derivación da mesma lagoa Estixia. A palabra úsase tamén ocasionalmente como unha metáfora do propio Hades.

O deus do río, fillo de Océano e Tetis, procreou a Ascálafo con Orfne ou Gorxira, dos ninfas do inframundo.^[1]

No Inferno de A divina comedia de Dante, o río Aquerón constitúe o bordo do inferno, no Ante-Inferno.