Armatimonadetes

Armatimonadetes é un novo filo de bacterias, que era antes coñecido co nome de filo candidato OP10. O filo OP10 estaba composto só por secuencias clonadas de xenes de ARNr 16S de mostras ambientais, pero posteriormente foron descritas formalmente tres cepas para a súa validación como especies, e déuselle nome ao filo.

Armatimonadetes
Clasificación científica
Dominio: Bacteria Filo: Armatimonadetes
clases, ordes, familias e xéneros Fimbriimonadia Im et al. 2012 Fimbriimonadales Im et al. 2012 Fimbriimonadaceae Im et al. 2012 Fimbriimonas Im et al. 2012 Armatimonadia Tamaki et al. 2011 Armatimonadales Tamaki et al. 2011 Armatimonadaceae Tamaki et al. 2011 Armatimonas Tamaki et al. 2011 Chthonomonadetes Lee et al. 2011 Chthonomonadales Lee et al. 2011 Chthonomonadaceae Lee et al. 2011 Chthonomonas Lee et al. 2011

As tres especies que comprende este filo son:

• Armatimonas rosea, cepa YO-36T, unha bacteria aerobia quimioheterótrofa, illada do rizoplano do xunco Phragmites australis que vivía nun lago do Xapón. A súa temperatura óptima é de 30-35 °C e forma colonias rosas.^[1]
• Chthonomonas calidirosea, cepa T49(T), bacteria non formadora de esporas aerobia, sacarolítica, termófila obrigada (óptimo a 60 °C) e motil, que foi illada dun chan quentado xeotermicamente en Hell's Gate, Tikitere, Nova Zelandia.^[2] Ten un pH óptimo de 5,3, e forma colonias rosas.
• Fimbriimonas ginsengisoli, bacilo mesófilo, con temperatura óptima de 30 °C, sen mobilidade, que forma colonias cor marfil.

Filoxenia

Véxase tamén: Taxonomía bacteriana e Filos bacterianos.

A taxonomía aceptada actualmente deste filo está baseada na List of Prokaryotic names with Standing in Nomenclature (LPSN) ^[3] e no National Center for Biotechnology Information (NCBI)^[4] e a filoxenia está baseada no ARNr 16S LTP 115 de The All-Species Living Tree Project ^[5] Armatimonadetes estaría relacionado con Elusimicrobia.

	Fimbriimonas ginsengisoli Im et al. 2012       Armatimonas rosea Tamaki et al. 2011     Chthonomonas calidirosea Lee et al. 2011