Asemblea Xeral das Nacións Unidas

A Asemblea Xeral das Nacións Unidas é un dos seis principais órganos das Nacións Unidas. Está constituída polos representantes de tódolos Estados membros das Nacións Unidas e reúnese en sesións anuais dirixidas por un Presidente da Asemblea Xeral elixido de entre os representantes.

Asemblea Xeral das Nacións Unidas
Instancia de	parlamento internacional (pt) e órgano principal das Nacións Unidas
Parte de	Sistema das Nacións Unidas e ONU
Lingua oficial	lingua árabe, lingua chinesa, lingua inglesa, lingua francesa, lingua rusa e lingua castelá
Composto por  United Nations General Assembly First Committee (en)  United Nations General Assembly Fourth Committee (en)  United Nations General Assembly Fifth Committee (en)  United Nations General Assembly Third Committee (en)  United Nations General Assembly Second Committee (en)  United Nations General Assembly Sixth Committee (en)
Persoas e organizacións
Cargo dirixente	Presidente da Asemblea Xeral das Nacións Unidas
Matriz	ONU
Presidente/a Dennis Francis 5 de setembro de 2023 Csaba Kőrösi (pt) setembro de 2022 - setembro de 2023 Abdulla Shahid (pt) setembro de 2021 - setembro de 2022 Tijjani Muhammad-Bande (pt) 17 de setembro de 2019 - 1 de setembro de 2021 María Fernanda Espinosa 5 de setembro de 2018 - 17 de setembro de 2019
Entidades subsidiarias UNICEF United Nations Commission on International Trade Law (en) Colégio de Pessoal do Sistema das Nações Unidas (pt) Programa das Nacións Unidas para o Desenvolvemento Conferência das Nações Unidas sobre Comércio e Desenvolvimento (pt)
Data
Fundación	1945
Localización
Sede	Sede da Organización das Nacións Unidas
Xurisdición	ONU
Fontes e ligazóns
Páxina WEB	un.org…
Redes
[ Wikidata ] [ C:Commons ]

Funcións

Como o único órgano da ONU na que están representados tódolos membros, a Asemblea serve como foro para que os membros propoñan iniciativas sobre paz, progreso económico e dereitos humanos. Pode iniciar estudos; facer recomendacións; desenvolver a lei internacional; promove-los dereitos humanos; e fomentar programas internacionais económicos, sociais, culturais e educativos.

A Asemblea Xeral tamén desempeña un papel crucial no financiamento da ONU. Decide o orzamento da organización e as contribucións económicas que os Estados membros deben realizar.^[1] Estas decisións requiren unha maioría de dous terzos dos Estados membros.

Ao longo da súa historia, a Asemblea adoptou unha serie de resolucións que tiveron unha influencia significativa no dereito internacional e nas políticas globais. Algúns exemplos son a Declaración Universal dos Dereitos Humanos en 1948^[2] ou os Obxectivos de Desenvolvemento Sostíbel en 2015.^[3] Aínda que as resolucións da Asemblea non son vinculantes, pretenden ofrecer unha orientación moral e política para guiar a acción dos Estados.^[4]

Funcionamento

Ademais de sesións regulares anuais, a Asemblea pode convocar sesións extraordinarias en resposta a crises ou eventos significativos a nivel mundial.^[5] Estas sesións son convocadas cando se considera que é necesario unha rápida resposta ou mobilización internacional.

O traballo da Asemblea divídese en diferentes comités, cada un dos cales se centra en áreas específicas como desarme, asuntos económicos ou dereitos humanos. Estes comités preparan informes e recomendacións que logo son discutidos e votados na plenaria.^[6]

Dentro da estrutura da ONU, a Asemblea Xeral contrasta co Consello de Seguridade, que se encarga de manter a paz e a seguridade internacional e ten a capacidade de adoptar resolucións vinculantes.^[7]

Notas

1. "Regular budget and working capital fund - Committee on Contributions - UN General Assembly". www.un.org (en inglés). Consultado o 2023-09-12.
2. "Declaración Universal dos Dereitos Humanos". United Nations (en portugués). Consultado o 2023-09-12.
3. "THE 17 GOALS ; Sustainable Development". sdgs.un.org (en inglés). Consultado o 2023-09-12.
4. Nations, United. "Órganos principales ; Naciones Unidas". United Nations (en castelán). Consultado o 2023-09-12.
5. "General Assembly of the United Nations". www.un.org (en inglés). Consultado o 2023-09-12.
6. "Main Committees of the General Assembly of the United Nations". www.un.org (en inglés). Consultado o 2023-09-12.
7. "United Nations Security Council". www.un.org. Consultado o 2023-09-12.