Atopia

Atopia (do grego, ἀτοπία - fóra de lugar, sen lugar, infrecuente, extraordinario), tamén coñecida coma atopía ou síndrome atópica, é o termo co que se define a predisposición a desenvolver certas alerxias mediadas por reaccións de hipersensibilidade.^[1] Malia existir un compoñente xenético ou hereditario, cómpre que se estableza previamente un contacto co axente alerxénico causante de dita hipersensibilidade.^[2]

Atopia
Eccema nos brazos dun doente de dermatite atópica.
Subclase de	hipersensibilidade
Especialidade médica	dermatoloxía
Fontes e ligazóns
Thesaurus do NCI	C41366
DiseasesDB	34489
ICD-10	T78.4
OMIM	147050
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico. [ Wikidata ]

O concepto de atopia foi descrito por vez primeira por Coca e Cooke en 1923 para describir unha tendencia familiar para producir anticorpos da classe IgE contra alérxenos ambientais, xeralmente proteínas.^[3] O termo atopia non é sinónimo de "alerxia", pois describe exclusivamente unha "predisposición". As doenzas atópicas máis representativas son a asma, a rinite alérxica (ou rino-conxuntivite), e a dermatite atópica.