Auditorio de Galicia

O Auditorio de Galicia é un edificio situado en Santiago de Compostela, deseñado por Julio Cano Lasso e Diego Cano Pintos. Inaugurouse o 20 de outubro de 1989.

Auditorio de Galicia
Santiago de Compostela
Tipo	centro artístico
Persoas e organizacións
Arquitecto/a	Julio Cano Lasso e Diego Cano Pintos (pt)
Datas
Inauguración	1989
Localización
42°53′23″N 8°32′40″O
Situado en	Santiago de Compostela
Localización	Santiago de Compostela
Enderezo	Avenida do Burgo das Nacións, 15705 Santiago de Compostela
Fontes e ligazóns
Páxina WEB	auditoriodegalicia.org
Redes
[ Wikidata ] [ C:Commons ]

Auditorio de Galicia pola noite.

Logo.

Encadrado no Programa nacional de auditorios, a obra foi financiada polo Ministerio de Cultura, a Xunta de Galicia e o concello de Compostela, coa colaboración de entidades privadas.

Desde 1996 é a sede permanente da Real Filharmonía de Galicia.

Salas

O Auditorio de Galicia conta con catro salas:

• Sala Ángel Brage

É a sala principal do auditorio. Trátase dun espazo con capacidade para 1.002 espectadores^[1] acondicionado para acoller representacións teatrais, ballet e ópera, así como concertos de música sinfónica e para a organización de congresos.

• Sala Mozart

É unha pequena sala con capacidade para 260 espectadores^[1] destinada entre outras actividades a concertos, conferencias e ensaios teatrais. Como é unha sala independente pódese usar á vez que as outras salas.

• Sala Isaac Díaz Pardo

Este é un espazo de 1.000 m²^[1] de forma irregular destinado ás exposicións.

• Sala Circular

É a máis pequena das salas. Ten capacidade para 50 persoas^[1], está destinada á celebración de coloquios, conferencias de prensa ou presentacións.