Aulo Cornelio Celso

Aulo Cornelio Celso (en latín: Aulus Cornelius Celsus) nado no ano -25 e finado no ano 50, foi un enciclopedista romano e posibelmente un médico. É coñecido pola súa obra De Medicina, que se cre que é a única sección sobrevivente dunha enciclopedia meirande. De Medicina trata sobre dieta, farmacia, cirurxía e outros eidos relacionados, e é un dos mellores exemplos no que se refire a coñecemento médico na Roma antiga. As partes perdidas da enciclopedia probabelmente incluían volumes sobre agricultura, dereito, retórica e tácticas militares. Tamén contribuíu á clasificación de doenzas dermatolóxicas humanas.^[1]

Aulo Cornelio Celso

Biografía
Nacemento	25 a. C. valor descoñecido
Morte	c. 50 (73/74 anos) valor descoñecido
Actividade
Campo de traballo	Filosofía
Ocupación	médico, escritor
Período	Imperio Romano
Período de actividade	(Con vida en: século I )
Descrito pola fonte	Nordisk familjebok Biblioteca dixital BEIC Paulys Realenzyklopädie der klassischen Altertumswissenschaft

Traxectoria

Non se coñece nada da súa vida. O seu propio nome é motivo de debate, xa que foi chamado tanto Aurelio como Aulo, sendo o segundo o máis plausíbel.^[2] Algunhas expresións que emprega en De Medicina suxiren que viviu durante o mandato de Octavio Augusto e Tiberio.^[3] Non se sabe con certeza onde viviu.

De Medicina