Batalla de Covadonga

A batalla de Covadonga é un episodio mítico^[1] da historia de España que tería lugar en 722 en Covadonga, unha paraxe próxima a Cangas de Onís (Asturias), entre o exército de Paio e tropas musulmás, que resultaron derrotadas. Da tal eventual acción bélica non existen relatos contemporáneos, e as primeiras referencias aparecen século e medio despois, na Crónica Albeldense.

Batalla de Covadonga
expansión musulmá
Invasión islámica da Península Ibérica.
Instancia de batalla
Resultado Vitoria cristiá
Datas e cronoloxía
Data 718 722
Implicados
Participantes Reino de Asturias Califato Omeia exército omeia
Líderes Paio de Asturias Munuza  †
Localización
Localización Covadonga
Coordenadas 43°16′24″N 4°58′50″O
País España
[ Wikidata ] [ C:Commons ]

A narración da batalla conta con trazos inverosímiles, e está en tea de xuízo que os  árabes, que cun exército estimado nuns cinco ou dez mil homes "destruíron case até o exterminio"^[2] "a todos os exércitos dos godos" "en 714"^[2] (Rodrigo reinou só entre 710 e 711), decidisen enviar desde Córdoba até Cangas de Onís, só sete anos despois, coa organización e custos asociados, un exército de "187 000 homes de guerra"^[2] para combater contra as tres ducias de guerrilleiros que poderían caber na Cova de Onga^[3]

A historiografía nacionalista española ten en Covadonga un dos seus mitos fundacionais^[4]. Así pois, desde esa óptica, "fronte á catastrófica invasión musulmá^[5], un reducido grupo de heroes salvou na batalla a "esencia" da patria española^[6] e conseguiu iniciar un proceso de Reconquista que rematará coa conquista do Reino de Granada^[7] e na construción definitiva da "nación española, católica e unitaria".^[8]