Bertsolaritza

Bertsolaritza é a arte de conversar ou pronunciar un discurso cantado de xeito improvisado, rimando e cunha métrica establecida. É dicir, un bertso.

Estatua na honra de Mattin Treku en Ahetze.

Revista Bertsolariya.

A bertsolaritza ten unha gran tradición en toda Euskal Herria; é moi anterior a calquera manifestación escrita do éuscaro, xa que xorde dunha literatura oral espontánea. É unha arte emparentada co sean-nós de Irlanda, a regueifa galega, a payada de América do Sur, o trovo de Alpujarras e o repentismo cubano. Este tipo de "discusión dialéctica" responde a un patrón que estivo presente nun gran número de culturas e forma part da tradición asiática, das culturas grega e romana, e da Historia do Mediterráneo musulmán.^[1]

Na maioría das festas populares está presente no festexo.

O estudoso e bertsolari Xabier Amuriza defíneo do seguinte xeito:

Neurriz eta errimaz
kantatzea hitza
horra hor zer kirol mota
den bertsolaritza.

‘Con métrica e rima
cantar a palabra
velaquí que deporte
é a bertsolaritza’