Big data

Big data é un termo usado para determinados sistemas de bases de datos. Utilízase para unha serie de tecnoloxías que axudan a organizar, recoller e analizar datos. En galego tamén se emprega o termo base de datos a grande escala.^[1]

Infografía que mostra o crecemento dos datos desde unha única fonte cara ao 'big data', e o volume, a velocidade e a variedade asociados a el.

Aplícanse polo menos algunhas das seguintes características:^[2]

• Hai cantidades enormes de datos

• Os datos cambian con moita frecuencia

• É difícil estruturar os datos para que se poidan usar facilmente

Uso

Os big data utilízanse para analisar diferentes temas. A través da análise pódese obter nova información. As cantidades máis grandes de datos facilitan atopar información fiable. Utilízase en moitas áreas diferentes, como goberno, saúde, seguros, medios de comunicación, publicidade e tecnoloxía da información.

Orixe

Os datos recóllense entre outras cousas a través de:

• Vixilancia
• O uso de tarxetas de crédito
• Comunicación electrónica (por exemplo, correo electrónico e teléfonos intelixentes)
• Internet e redes sociais (por exemplo, usando a busca en Google Search ou ao visitar Facebook)
• Internet das cousas (obxectos que poden conectarse a Internet, por exemplo Amazon Alexa)
• Gobernos e Autoridades públicas (por exemplo, datos fiscais, datos do censo)

Crítica

O big data foi criticado por diferentes motivos. Unha crítica destacada é a crecente vixilancia para recoller datos, que ten lugar de moitas formas novas. Edward Snowden revelou como a Axencia Estadounidense de Seguridade Nacional (NSA) usa tecnoloxía dixital para espiar persoas de todo o mundo. Outras críticas destacadas é a privacidade dos datos, que trata sobre o risco de filtración de datos persoais sensibles porque non están o suficientemente protexidos.

Amparo Alonso antes da súa participación no encontro Big Data Coruña de 2017

Unha crítica máis fundamental do big data é que só porque sexa máis grande, non é automaticamente mellor. A calidade dos datos aínda ten que ser controlada. Tamén se indica que a análise de datos só pode preguntar "que" está a pasar, pero non "por que" está a suceder.

No eido académico galego, unha das maiores defensoras do emprego do big data é a catedrática Amparo Alonso Betanzos.^[3]