Bion 8

Bion 8, tamén coñecido como Kosmos 1887, foi un satélite artificial non tripulado da Unión Soviética pertencente á serie de satélites Bion para investigacións biolóxicas. Foi lanzado o 29 de setembro de 1987 mediante un foguete Soiuz U desde o cosmódromo de Plesetsk.^[1][2][4][5]

Bion 8 / Kosmos 1887
Tipo	Biolóxico
Data de lanzamento	29 de setembro de 1987, 12:50 GMT[1][2][3]
Foguete portador	Soiuz U[2][4]
Sitio de lanzamento	Cosmódromo de Plesetsk[2][3][4]
Duración da misión	13 días[5]
Obxectivo da misión	Experimentación biolóxica.[2][3][4]
Regreso	12 de outubro de 1987[1][5]
NSSDC ID	1987-083A
Masa	6000 kg[2][4][5]
v c e

Características

Bion 8 foi o oitavo satélite da serie de satélites Bion. Foi lanzado nunha órbita inicial de 224 km de perixeo, 406 km de apoxeo e 62,8 graos de inclinación orbital, cun período de 90,5 minutos.^[3][5]

Bion 8 levaba experimentos a bordo para continuar os experimentos de anteriores misións Bion. Participaron científicos de Hungría, a República Democrática de Alemaña, Polonia, Romanía, Checoslovaquia, os Estados Unidos, Francia e da ESA.^[2]

A cápsula regresou o 12 de outubro de 1987, tras uns 13 días de voo.^[2][5]