BitTorrent

BitTorrent é un protocolo de distribución de arquivos e ficheiros por Internet entre parceiros^[1] (peer to peer ou P2P). Bram Cohen, antigo estudante da Universidade de Buffalo^[2], deseñou o protocolo en abril de 2001 e publicouno o 2 de xullo dese ano^[3], facéndose coñecida na CodeCon de 2002 en San Francisco^[4]. A versión máis recente é de 2013^[5]. A primeira ferramenta que implementou tal protocolo foi escrita en Python e está publicada baixo a licenza MIT. As aplicacións populares de BitTorrent de arestora inclúen a Transmission e Deluge.

Historia

The Pirate Bay, un dos buscadores torrent máis empregados.

BitTorrent gañou a súa fama ao permitir que moita xente descargase os mesmos arquivos sen ver diminuída a velocidade de transferencia. Isto conséguese grazas a que todos os parceiros, ou usuarios que descargan arquivos ou ficheiros, comparten as partes que xa teñen dos arquivos cos demais parceiros. Cada parceiro forma parte dun enxame e contribúe á distribución do contido.

Aplicacións

As aplicacións libres máis empregadas son^[6]:

• Deluge^[7]
• KTorrent^[8]
• qBittorrent^[9]
• Transmission^[10]